Atentati ndaj Fatjon Dervishit, 2 pista hetimi, krimi i vëllait dhe një sherr pak kohë më parë! Dyshohet se 3 persona morën pjesë në ekzekutimin e 38-vjeçarit

Atentati në Sukth, grupi hetimor gjen gjurmë të autorëve! Pista hetimi, përfshirja e vëllait në ngjarje kriminale ose një sherr i viktimës Burimet nga grupi hetimor për Report Tv thonë se janë gjetur gjurmë të autorëve, por për arsye hetimesh nuk mund të mund te deklarohet asnjë informacion deri më tani.

Pistat e hetimit janë duke u marrë në konsideratë nga përfshirja e vëllait të viktimës në ngjarje kriminale dhe deri tek debati banal që viktima ka pasur pak kohë më parë.

Si ka ndodhur krimi? Më shumë se një person i përfshirë në atentat. Dyshimet janë për një person që ka qëlluar, një që ka drejtuar mjetin dhe një tjetër që ka ruajtur zonën. Zona nuk është e survejuar nga kamera sigurie. Janë dokumentuar pamjet e një biznesi aty pranë i cili ndodhet jo më larg se 30 m nga vendi i ngjarjes, por filmimet janë të orientuara në brendësi të biznesit dhe jo nga rruga, duke bërë të vështirë filmimin e ngjarjes.

Rruga është e ndriçuar dhe e asfaltuar me një terren lehtësisht të kalueshëm për daljet në autostradën ose fshehjen në zona periferike. Viktima është qëlluar sapo ka dalë nga një lokal dhe ka hipur në automjet. Në makinë janë gjetur 15 plumba, ndërkohë që dy prej tyre i kanë prekur organet jetësore, duke bërë që mos të mbijetojë.

38 vjeçari ishte i martuar në Gjermani me një shtetase Rumune, ndërsa në vend kishte pak kohë që ishte kthyer për të hapur një aktivitet të vetin ndërkohë në banesën në Sukth jetonte vetëm me babain.

Lajmi kryesor:

EMRI/ Vritet 38-vjeçari në Sukth, qëllohet me automatik brenda makinës! Rezulton në hetim në Holandë për trafik narkotikësh! Në mjet ishte dhe shoku i tij

M.Q./Shqiptarja.com

TAG:
• vrasje
• Durres
• fatjon dervishi
• vritet fatjon dervishi