POP 5

Lajmet më të lexuara të 5 minutave të fundit

Kronikë

10 të shoqëruar për vrasjen e Nikolin Leksatakajt në Lezhë! Merren në pyetje familjarë të Ardian Nikulajt: S’kemi gisht! Makina e autorëve u gjurmua

Rreth 10 persona janë marrë në pyetje nga grupi hetimor në Lezhë në lidhje me atentatin ndaj Nikolin Lekstakajt, i cili u vra pasditen e 19 korrikut, teksa po dilte nga një market në Balldren.

Dhjetë persona janë marrë në pyetje në lidhje me vrasjen e Nikolin Lekstakajt, në Balldre të Lezhës tri ditë më parë. Pjesa me e madhe e tyre janë nga familja Nikulaj, me të cilën Lekstakajt është në hasmëri prej 1996-ës, por ata kanë mohuar të kenë lidhje me krimin. Makina e djegur nga autorët në Gjadër u gjurmua përmes kamerave të sigurisë, por autorët nuk dallohen për shkak të xhamave të zinj.

Ka arritur në 10 numri i personave që janë marrë në pyetje nga policia në lidhje me atentatin ndaj 42-vjeçarit Nikolin Lekstakaj, i cili u vra të mërkurën e 19 prillit teksa po dilte nga një market në Balldren. Pjesa më e madhe e këtyre personave raportohet se janë të afërm të Ardian Nikulajt, biznesmenit të vrarë më 19 prill brenda lokalit të tij në Shëngjin.

Report Tv mëson se ata kanë pretenduar se nuk kanë asnjë lidhje me ngjarjen, ndërsa janë lënë sërish të lirë. Në vijim, policia pritet të marrë në pyetje vëllain e Nikolinit, Bledi Leksatakaj, i cili është pronar i  makinës me të cilën 42-vjeçari shkoi për herë të fundit në market të mërkurën. Pista kryesore e hetimit është hakmarrja. Report Tv mëson nga burime të policisë, se familjarët e Lekstakajve janë të bindur se vrasja është për gjakmarrje pasi para hetuesve janë shprehur se nuk kanë konflikte të tjera.

Ndërkohë, makina që u gjet e djegur të enjten në Gjadër është lokalizuar përmes kqyrjes së pamjeve të kamerave të sigurisë. Pasi braktisën mjetin e vjedhur në Dimal, të cilit i vunë flakën, ende nuk dihet nëse autorët janë larguar në këmbë apo i ka pritur ndonjë bashkëpunëtor tjetër për t’i larguar me makinë. Policia thotë se automjeti është me xhama të zinj dhe në pamjet e administruara deri tani, është e pamundur të dallohen se sa persona kanë qenë brenda. Kallashnikovi i djegur brenda mjetit bashkë me gëzhojat, po ekspertohet, me shpresën se mund të gjendet përgjigje për përdorim në ndonjë ngjarje tjetër kriminale.

Autorët qëlluan me 5 plumba në drejtim të Nikolin Lekstakajt, ndërsa 4 prej të cilëve i prekën trupin. Ai kishte rreth 2 vite i rikthyer në Shqipëri nga Anglia. Më parë ai i ka shpëtuar edhe një atentati tjetër në 2012-ën ku i ishte vënë eksploziv në makinë. Familjet Lekstakaj dhe Nikulaj kanë një konflikt gjakmarrjes që prej vitit 1996-ës.

I fundit i vrarë mes tyre ishte Ardian Nikulaj, ndërsa dyshohet se organizator ishte Edmond Haxhia, djalë i dajës së Elton Lekstakajt. Hasmëria nisi në vitin 1996 kur pjesëtarët e familjes Lekstakaj vranë vëllain e Ardian Nikulajt. Pak muaj më vonë u ekzekutuan Gëzim Lekstakaj dhe Laurent Gjetja, nip i familjes. Krimi i radhës ndodhi në vitin 1999 kur u ekzekutua Gjovalin Lekstakaj dhe u plagos rëndë Pjetër Lekstakaj, të gjitha ngjarje të pazbardhura.

S.G/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Polo: 21/07/2023 14:54

    E drejta anglosaksone që me themelimin e shtetit të së drejtës ka përcaktuar se autor kryesor i dyshuar është ai që përfiton nga vrasja e Nikolin Lekstakaj! Përfitues kryesor janë fisi Nikulaj me në krye Arben Nikulaj dhe të tjerët me radhë. Historiku i vrasjeve është i dokumentuar prandaj prokurori i Leshit (Lisuss, Lesh, Lezhë) duhet të shprehet me iniciativë për ndalimin e tij dhe të rriturve të familjes! Turp! Kur duan i zbulojnë vrasjet kur s'duan jo!!

    Përgjigju
    • Avokat: 21/07/2023 19:28

      Ne fakt kjo nuk i ben me trima NikUlajt as me burra. Ato vrane nje person qe ishte i pa mbrojtun. Ne fakt me trim eshte ai qe ka vdekur se te gjith Nikulajt bashk. Pse e keni mire me shtetin nuk jeni te pa vdekshem. Pse i keni shoket e forte nuk jeni te pa prekshem. Me ket veprim NikUlajt kan gabu sepse más 10 vitesh do i vritet dikush prap atyre. Edhe keshtu maron historia me gjak malcoresh tuj vra njr-tjr turp mos me gjet pajtimin mes vllazneve.

    • Grupi: 21/07/2023 16:31

      Gjejne kur vritet miku kriminel i Tom Doshit por jo kur vriten ata qe nuk kane perkrahje politike dhe shoqerore. Per Nikulajne u cua ne kembe shteti dhe beri hetim spektakolar duke zberthyer te gjithe grupin vrases. Per kete tjetrin nuk do bejne gje " se kane pune". Asnje nga Nikulajt nuk eshte denuar per 4 vrasjet e Lekstakajve ne te shkuaren. Shteti privat keshtu nxit hakmarrjen.

    • Polos: 21/07/2023 15:04

      Po mor polo po ska bindje juridike me,po sikur mos ta ken vra Nikulajt?

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Jubileu 2025, Papa Françesku hap derën e shenjtë në burg

Jubileu 2025, Papa Françesku hap derën e shenjtë në burg

26 Dhjetor, 14:42