VIDEO/ Atentat në Balldren të Lezhës, vritet anëtari i fisit Lekstakaj, u qëllua teksa dilte nga marketi! Dyshohet për hakmarrjen e vrasjes së Ardian Nikulajt

Në lidhje me vrasjen e ndodhur ne Balldre është marrë në pyetje dhe vëllai i viktimes Bledar Lekstakaj.

Në deklarimet e tij para hetuesve ai ka thëne se sapo ishte kthyer nga Tirana dhe ka qenë duke qëndruar në shtëpi me nënën e tij në momentin që Nikolini i ka marrë makinën për të shkuar për të blerë diçka.

Ai është shprehur se pak minuta më vonë kishte dëgjuar krisma, por nuk kishte menduar se mund të ishte vrarë vëllai i tij. Më vonë është njoftuar për ekzekutimin.

Detaje të reja janë zbardhur në lidhje me vrasjen e Nikolin Marku Lekstakaj të ndodhur pasditen e sotme(19 korrik 2023) para një marketi në fshatin Balldre të Lezhës.
Burimet bëjnë me dije për Report TV se një 16 vjeçar ka parë ekzekutimin dhe hetuesit e kanë marrë në pyetje për të mësuar se çfarë ka parë.

Pasditen e sotme rreth orës 18:30  viktima, Nikolin Marku Lekstakaj kishte marrë makinën e të vëllait dhe kishte shkuar për të blerë në marketin më pak se 1 km larg banesës së tij. Në momentin kur ka dalë nga marketi me një shishe me coca cola ai është qëlluar me breshëri. 

Sipas dëshmisë së 16 vjeçarit autorët kanë qenë me një automjet te zi dhe janë larguar menjëherë pas krimit. Ai ka thënë se ka dëgjuar te shtënat dhe është tmerruar duke ikur me vrap në pjesën e pasme të marketit.

Viktima kishte rreth 2 vite që qëndronte në Shqipëri dhe pas vrasjes se Ardian Nikulaj i kishte kufizuar lëvizjet.

19 prill 2023  - Biznesmeni Ardian Nikulaj u qëllua brenda lokalit të tij nga shtetasi portugez Ruben Saraiva, i cili ka pasur rolin e ekzekutorit. Edmond Haxhia nga policia dyshohet se është porositësi dhe organizatori i atentatit. Haxhia sipas policisë ka marrë hak për dajat, Elton e Klodian Lekstakaj, por pavarësisht kësaj, për dy vëllezërit, nuk ka ende asnjë provë që ti përfshijë direkt në ekzekutimin e Ardian Nikuljat, për gjakmarrje. Portugezi, Ruben Saravia ishte ekzekutori i planit, personi i shfaqur me motor dhe jelek fosforeshent i cili qëlloi për vdekje me 7 plumba biznesmenin Ardian Nikulaj, e ndërsa 4 britanikët e tjerë kishin rolin e vëzhguesit.

I pari mbërriti më 14 shkurt, portugezi Saravia, që në zonën e Lezhës u shfaq si turist. Ai ka qëndruar në shtëpinë e Haxhisë, në Kakarriq. Britanikët, mes të cilëve, çifti Harry Simson dhe Harriet Bridgeman, kanë ardhur njëri pas tjetrit në kohë të ndryshme, të gjithë nën kamuflimin e turistëve, por kanë mbledhur informacione mbi lëvizjet e Nikulajt. Një prej tyre Stiven Hunt ka qëndruar për disa ditë edhe në hotelin “Coral” në pronësi të Nikulajt, siç është edhe një moment i fiksuar në kamera, kur hyn natën në hotel dhe gjen rojën në gjumë. Hunt mendohet se ka arritur të depërtojë edhe në sistemin e kamerave të sigurisë së biznesit duke i dhënë grupit mundësinë të vëzhgojë në kohë reale lëvizjet e biznesmenit. 

I fundit i  shpallur në kërkim për vrasjen e biznesmenit, Harry Simpson u arrestua më 7 korrik 2023 në Londër. Ai dyshohet se ka pasur rolin e vëzhguesit dhe ka informuar autorin për lëvizjet e viktimës.

Gjykata e Lezhës kishte caktuar për Harry Simpson, masën e sigurisë “arrest në burg”, për “Vrasja për gjakmarrje”, në bashkëpunim dhe “mbajtja pa leje dhe prodhimi i armëve, armëve shpërthyese dhe i municionit”.

Në Londër më herët janë arrestuar Edmond Haxhia, i dyshuar si porositës i vrasjes për hakmarrje, bashkë me Stephen Hunt, Thomas Mithan dhe shtetasen Harriet Bridgeman, të cilët kanë pasur rol në vëzhgimin e biznesmenit për rreth dy javë para vrasjes.

Gazetari i Report Tv, Elvis Hila ka zbardhur detaje të reja për atentatin ndaj Nikolin Lekstakajt.

Viktima i kishte shpëtuar një atentati edhe në vitin 2012. Mësohet se një sasi lënde plasëse ishte vendosur në mjetin e tij BMW X5 dhe shpërtheu gjatë lëvizjes, por Lekstakaj nuk u lëndua.

Autoret kane qëlluar nga automjeti, asnjë gëzhoje nuk është gjetur ne vendin e ngjarjes. Dy ekzekutorët thyen xhamit e makinës se tyre gjate atentatit.

Report Tv ka siguruar foton e Nikolin Lekstakajt, 42-vjeçari që u qëllua me breshëri plumbash ditën e sotme në Lezhë.

Drejtori i Policisë vendore të Lezhës, Alfred Elezi shkoi vetë në vendin e atentatit, ku u ekzekutua Nikolin Lestakaj. 42 vjeçari u ekzekutua sapo kishte dalë nga marketi. Dyshimet e para kanë të bëjnë me pistën e hakmarrjes ose gjakmarrjes.

“Sot rreth orës 18:30 morëm njoftimin se në fshatin Balldre pranë një marketi u vra me armë zjarri Nikolin Marku Lestakaljt.  Shërbimet e policisë kanë shkuar në vendin e ngjarjes është ngritur grupi hetimor dhe në koordinim plotë me prokurorinë e rrethit gjyqësor po punohet për identifikimin e zbulimit të autorit. Jemi ende në hetim e sipër, po kryejmë verifikimet e duhura. Dyshojmë për hakmarrje ose gjakmarrje.

Po sigurojmë të gjitha provat.”- tha drejtori i policisë.

Kjo është pamja e fundit e viktimës Nikolin Lestakaj i cili u ekzekutua me breshëri plumbash përpara një marketi teksa ishte duke blerë një coca-cola.

Viktima, Nikolin Lekstakaj, i njohur dhe si ‘Toli’, pjesën më të madhe të kohës e kalonte jashtë Shqipërisë, ndërsa banesa e tij ndodhet 1 km larg vendit ku dhe u ekzekutua. Dyshohet se ka qenë  duke dalë nga një marketi. Viktima ka blerë një coca-cola dhe sapo ka dalë autorët me makinë në lëvizje e kanë qëlluar me breshëri plumbash. Dyshohet se autorët duket se kanë vëzhguar të gjitha lëvizjet e tij, raporton gazetari i Report TV Elvis Hila.

Policia ka konfirmuar atentatin ndaj 42-vjeçarit, Nikolin Lekstakajt.

Lezhë/Informacioni paraprak i policise 

Më datë 19.07.2023, rreth orës 18:30, në Balldre, Lezhë, në rrethana ende të paqarta është vrarë me armë zjarri shtetasi N. M (L), rreth 42 vjeç.

Menjëherë në vendngjarje kanë shkuar shërbimet e Policisë dhe kanë bërë rrethimin e zonës, janë ngritur pika kontrolli e vijon krehja e zonës për identifikimin dhe kapjen e autorit/ëve.

Grupi hetimor nën drejtimin e Prokurorisë po vijon punën për zbardhjen dhe dokumentimin e rrethanave të ngjarjes, identifikimin dhe kapjen e autorit/ëve.

Një atentat është regjistruar ditën e sotme në Balldre të Lezhës. Viktimë ka mbetur Nikolin Lekstakaj, i cili është qëlluar me armë teksa ka qenë duke dalë nga marketi.

Vrasja e tij dyshohet për hakmarrje nga fisi Nikulajt, pasi më 19 prill të këtij viti u ekzekutua biznesmeni Ardian Nikulaj. Vrasja e këtij të fundit dyshohet u porosit nga fisi Lekstakaj për shkak të një hasmërie të nisur shumë vite më parë.  

Historia e hasmërisë mes 2 fiseve që nisi për 1000 lekë
Hasmëria mes fisit Palaj (Lektasaj) dhe Nikulaj e ka zanafillën në vitin 1996 ku anëtarë të familjes Palaj (Lektasaj) kanë ekzekutuar vëllain e Ardian Nikulaj, pas një konflikti të çastit në një pikë karburanti për 1000 lekë karburant. Vëllai i Ardian Nikulaj bashkë me një përson tjetër ishin shitës në karburantin në fjalë dhe një nga pjesëtarët e familjes Lekstakaj po furnizonte makinën. Pas furnizimit me karburant shitësit kanë debatuar me drejtuesin e mjetit me pretendimin se nuk kishte bërë pagesën prej 10 mijë lekësh të vjetra të furnzimit me karburant.

Pas debatit verbal drejtuesi i mjetit është larguar, duke u rikthyer i armatosur disa minuta më vonë dhe ka qëlluar në drejtim të dy punonjësve duke i lënë të vdekur në vend mes të cileve dhe vëllain e Ardian Nikulaj. Aty nis dhe historia e gjakmarrjes, ku pak muaj më vonë vriten Gëzim Lekstakaj dhe Laurent Gjetja që ishte nip i familjes. Ndërsa në vitin 1999 vritet Gjovalin Lekstakaj dhe plagoset rëndë Pjetër Lekstakaj. Sot e kësaj dite kjo ngjarje e rëndë e ndodhur disa vite më parë është e pazbardhur dhe s’ka asnjë autor të dënuar nga drejtësia. 

Ka qenë kjo histori që ka sjellë disa vrasje mes dy fiseve, ku vrasja e Ardian Nikulajt në 19 prill të 2023 u pasua me vrasjen e Nikolin Lekstakajt, tre muaj më pas në 19 korrik. Zyrtarisht policia ende nuk ka dalë me një deklaratë. 

Report TV sjell pamje nga vendi ku ndodhi atentati ditën e sotme në fshatin Balldre. Si pasojë e të shtënave dyshohet se u vra Nikolin Lekstakaj. Dyshimet e para janë se Lekstakaj është vrarë për hakmarrje.

Nikolin Lekstakaj është viktima e atentatit të sotmë në Lezhë. Ai është qëlluar teksa ka qenë duke dalë në këmbë nga një market në Lezhë.