Atentati me 1 të vrarë dhe 2 të plagosur në Krujë, policia: Kemi shoqëruar 3 persona

Polica ka shoqëruar 3 persona për atentatin e ndodhur në Larushk të Krujës, ku mbeti i vrarë Ramazan Sino e u plagosën dy nipat e tij të mitur, djemtë e Gentian Bejtjas, i cili ishte edhe shënjestër e atentatit. Policia thotë se ka kryer kontrolle në tre banesa dhe ka shoqëruar tre persona që mund të kenë dijeni për ngjarjen.

‘Në lidhje me informacionin paraprak të dhënë mbrëmë, për ngjarjen e ndodhur në oborrin e banesës së shtetasit G. B., ju bëjmë me dije se: Ka ndërruar jetë si pasojë e plagëve të marra shtetasi R. S.,  29 vjeç, si dhe janë plagosur dhe ndodhen në spital, nën kujdesin e mjekëve, dy të mitur të moshës 13 dhe 10 vjeç, (nipat e shtetasit R. S).  Me qëllim identifikimin dhe kapjen e autorit/ëve të dyshuar, shërbimet e Policisë kanë ushtruar 3 kontrolle në 3 banesa si dhe kanë shoqëruar 3 persona që mund të kenë dijeni për ngjarjen. Në përfundim të veprimeve hetimore në lidhje me ngjarjen, do të ketë një njoftim për shtyp në vijim.’- njofton policia.

LEXO EDHE:
Ndërtesa ku u burgosën martirët e fesë në Durrës po rrënohet

Lajmi kryesor:

Atentat për herë të 3-të Gentian Bejtjas në Krujë, i vrasin kunatin dhe i plagosin dy djemtë! Shoqërohen tre të 'fortët' e Niklës! 'Shënjestra' s'ishte në banesë

M.Q./Shqiptarja.com

TAG:
• atentat gentian bejtjas
• krujë
• Durres
• gentian bejtja
• ramazan sino
• atentat