POP 5

Lajmet më të lexuara të 5 minutave të fundit

Atentati në Nikël të Fushë Krujës, Marklen Haka u qëllua 20 herë me armë automatike MP5: Pashë makinën që po më ndiqte, më qëlloi me breshëri! Asnjë person i shoqëruar

Detaje të reja të reja kanë dalë në dritë nga atentati i Marklen Hakës në Niklës. Mësohet se ndaj tij ësjtë qëlluar me 20 plumba, teksa mësohet se ai ka deklaruar se nuk e ka njohur autorin.

FUSHË KRUJË- Dëshmia e Marklen Hakës nuk i ka shërbyer hetuesve për të zbardhur atentatin ndaj tij, qe e la të plagosur në nofull. Report TV mëson se Haka ka treguar se Haka ka deklaruar se e kishte parë një makinë që po e ndiqte, por që nuk e kishte menduar se do e qëllonte.

Ai është shprehur se është qëlluar nga përpara, në një moment që kishte ndalur makinën dhe më pas autori është larguar me shpejtësi nga vendi i ngjarjes. Megjithatë, pavarësish dëshmisë së Hakës, nga sa raportojnë burimet, grupi hetimor dyshon se kjo dëshmi nuk është e vërtetë pasi nga ekspertiza që është bërë në vendin e ngjarjes ka dyshime që autori ka qenë në këmbë dhe jo në makinë, megjithatë kjo është ende duke u vërtetuar.

Në vendngjarje ka pasur kamera sigurie, por ato nuk i kanë shqërbyer grupi hetimor për të kuptuar si ndodhi ngjarja dhe për të shkuar deri në gjurmët e autorit.  

"Po udhëtoja me mjetin e Volswagen në drejtim të Niklës .Sapo kam përshkuar disa metra në rrugën e Niklës jam qëlluar nga një automjet tjetër për të cilin, targën dhe llojin e mjetit nuk e di. Mjeti më ka ndjekur nga pas dhe në një moment kur kam ndaluar jam qëlluar me breshëri duke mbetur i plagosur në fytyrë. Më pas makina është larguar nga vendi i ngjarjes", mësohet të ketë thënë Haka.

Haka është qëlluar dje me 20 plumba me armë automatike MP5, teksa një plumb e ka prekur në nofull. Ai është dërguar në spital nga miqtë e tij, duke mos pritur ambulancën apo policinë në vendin e ngjarjes. Ai ndodhet jashtë rrezikun për jetën, teksa makina me të cilin ai po udhëtonte është sekuestruar nga Policia. Deri tani nuk ka persona të shoqëruar për ngjarjen.

Marklen Haka që njihet dhe me emrin Mariglen Haka është arrestuar disa herë dhe por ka arritur të dalë duke sfiduar organet e drejtësisë. Më 7 janar të këtij viti gjatë një aksioni të forcave RENEA në Fushë-Krujë u prangos bashkë me dy të tjerë për armë pa leje dhe kokainë në doza të vogla për shitje. Më 19 shkurt të vitit 2021 ishte arrestuar tek Xhamlliku në Tiranë me armë por sërish ka fituar lirinë.  Hakaj gjithashtu ka qenë i arrestuar edhe për një vrasje të ndodhur në Qershor të viti 2011 në zonën e ish-Bllokut në Tiranë, por është liruar për mungesë provash.

Ndërkohë në shtator të vitit 2019, breshëri plumbash u shkrepën nga katër armë në drejtim të shtëpisë së Hakës. Nga atentati mbeti e vdekur halla e tij Shpresa Basha, ndërsa Marklen Haka arriti të shpëtonte me një plumb në krah.  Haka njihet për miqësinë me Valter Bamin, vëllain e Durim Bamit, i cili e transportoi të plagosur në spital në 2019-ën.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça