Ati i Shenjtë:Mungesa e priftërinjëve,
edhe burrat e martuar klerikë

Tashmë  edhe burrat e martuar mund të bëhen priftërinj, sigurisht në kushte të veçanta.
 
Ishte pikrisht Papa Françesku i cili gjatë një interviste për median gjermane u shpreh se burrat e martuar mund të bëhen priftërinj në mënyrë që të zëvendësohet mungesa e priftërinjve katolikë.

Kreu i Vatikanit foli për mundësinë që viri probati, apo burrat me besim të sprovuar, të kryejnë disa detyra. Sipas papës, këta njerëz mund të punojnë në zona të izoluara.

Fraza latine 'viri probati' i referohet burrave të martuar me besim të fortë, të cilët shpesh janë të moshuar dhe me fëmijë të rritur. 

Për Kishën Katolike, mungesa në rritje e priftërinjve është një problem serioz, pasi çereku i famullive në botë, nuk kanë priftërinj. 

Redaksia Online
e.m/Shqiptarja.com