Një grup fëmijësh shqiptarë nga Manastiri zhvilluan një takim të veçantë me kryeministrin Edi Rama në Tiranë. 

Nxënësit, që janë pjesë e Bibliotekës “Linkest”, vizituan Kryeministrinë të shoqëruar nga ambasadori i Shqipërisë në Maqedoninë e Veriut, Denion Meidani.

Takimi u zhvillua në një atmosferë të ngrohtë, ku në qendër ishte krenaria dhe dashuria për gjuhën shqipe dhe ruajtja e identitetit kulturor te brezat e rinj shqiptarë që jetojnë jashtë Shqipërisë.

Ambasadori Meidani ndau edhe pamje nga vizita, duke theksuar rëndësinë e mësimit dhe leximit në gjuhën shqipe për fëmijët shqiptarë jashtë vendit.

“ Në Kryeministri, së bashku me fëmijët nga Biblioteka “Linkest” në Manastir, në një takim të veçantë me Kryeministrin e Shqipërisë, Edi Rama. Fëmijë që mbajnë gjallë gjuhën shqipe, librin shqip dhe dashurinë për identitetin tonë, edhe përtej kufijve. Çdo fjalë e mësuar, çdo libër i lexuar në shqip është një urë që lidh brezat dhe një dëshmi se bijtë e shqipes, kudo që janë, e mbajnë gjallë gjuhën dhe kulturën e tyre. Ku ruhet gjuha shqipe, ruhet edhe shpirti i kombit" ka shkruar Meidani në Facebook.

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Mars, 21:56

    Mendoni se ndryshimet në Ekzekutiv do përmirësojnë qeverisjen e vendit?

Lajme të tjera