Aurela Gaçe:Kur isha 18 vjeç ngrija
minifundin kur shkoja të blija bukën

Aurela Gaçe përveç talentit të padiskutueshëm në muzikë pëlqehet prej fansave të saj edhe për humorin dhe thjeshtësinë që e karakterizon.
 
Ndërsa ditëve të fundit shumë figura të ekranit kanë publikuar foto nga adoleshenca e tyre, kësaj “manie virtuale” nuk i ka shpëtuar as Gaçe.
  
“18 vjeç, në bankat e gjimnazit (për ata që s’e dinë, po kishim gjimnaz edhe bulevard ku kërciste xhiroja dhe unë ngrija minifundin kur shkoja për të blerë bukën), në LLakatund( origjina Tërbaç) fshatin ku u linda e u rrita për 19 vjet.
 
Gati të haja "hekurin me dhëmbë", e të bëja realitet atë çfarë ëndërroja më shume, të isha në skenë. Mbas një viti mbërrita në Tiranën e madhe që më mirëpriti me krahë hapur.

Në xhep mbaja gjithmonë një laps të zi për sytë dhe flokët i kisha prerë vetë .
#mbamëniamani#nukmundtëndal
#mekontrroll#përmunukka
Llakatundi kishte plantacione me pjeshkë nga ato më të mirat, vetëm mua nxori pjeshkë me gjemba”, ka shkruar këngëtarja në përshkrimin e fotografisë në Facebook. 



Redaksia Online
Al.N/Shqiptarja.com