Australi, 5 muaj burg shqiptarit u
kap me 123 mijë $ të pa deklarua

MELBURN - Po tentonte të kalonte me 123 mijë dollarë të padeklaruar, dënohet m pesë muaj një i ri shqiptar. Ngjarja ka ndodhur në Australinë e largët dhe Ledio Leshaj është dënuar nga gjykata gjatë ditës së sotme. Siç bëjnë të ditur mediat Australian, Ledio Lleshaj është kapur në 21 mars 2013, duke udhëtuar me shumën e lekëve në çantë. Ai ishte prezantuar si udhëtar italian.

Shuma e parave ishte zbuluar rastësisht pasi, kompania e fluturimeve, “Qantas”, kishte hapur rastësisht çantë, pasi nuk kishte fluturuar bashkë me pronarin në drejtim të Perthit. Dëshmia është dhënë gjatë ditës së sotme. Në çantë ishin gjetur 25 pako me dollar që u dorëzuan në Policinë Federale Australiane.

Lleshaj kishte përdorur identitet të rremë Italian, pasi ishte prezantuar si Giuseppe Manelli. Ai bashkë me një bashkëpunëtor të tij, Emiliano Mrishaj ishte kthyer në aeroportin e Melburnit, për të pyetur për çantën e tij.  

Edhe Mrishaj përdorte një identitet të rremë dhe prezantohej si Francesco Portulano, e punonte si përkthyes.

Prokurori Hwai Loh tha se, dy shqiptarët u arrestuan. Ky i fundit, tha se Lleshaj kishte transferuar më shumë se 28.000 dollarë për familjen e tij në Shqipëri në mes të tetorit të vitit 2012. Lleshaj , 21 vjeç, u deklarua fajtor për akuzat e “marrja e një biletë ajrore duke përdorur identifikim të rremë”, duke përdorur një dokument të falsifikuar e akuza të tjera.

Avokati mbrojtës i Lleshaj, Philip Dunn, ka deklaruar se, klienti i tij kishte mbërritur në Australi kërkojnë statusin e refugjatit.
 
Redaksia online
(ac/shqiptarja.com)