Foto: Lojëtare të ekipit kombëtar të futbollit të grave të Iranit

Pesë lojtarëve të ekipit kombëtar të futbollit të grave të Iranit u është dhënë azil në Australi. Ministri i Punëve të Brendshme Tony Burke konfirmoi vendimin, duke i dhënë fund frikës së riatdhesimit të mundshëm pasi ato ikën nga kampi stërvitor i ekipit.

Atletet u transferuan nga hoteli i tyre në "një vend të sigurt" nga oficerët e Policisë Federale Australiane.

"U them anëtarëve të tjerë të ekipit se e njëjta mundësi ekziston edhe për to", tha Ministri Burke.

Atletet ishin larguar nga hoteli ku po qëndronte ekipi kombëtar në Gold Coast, në jug të Brisbane, gjatë Kupës Aziatike të Grave AFC. Ato iu drejtuan policisë për të kërkuar mbrojtje dhe për të filluar procesin e azilit në Canberra.

E gjitha ishte pasojë e një gjesti të bërë para ndeshjes kundër Koresë së Jugut, kur lojtaret zgjodhën të mos këndonin himnin e Republikës Islamike. Ky akt u interpretua si solidaritet me protestat që kishin shpërthyer në Iran dhe me viktimat e represionit, përfshirë ndihmës gjyqtaren Sahba Rashtian.

Sipas transmetuesit Iran International, lojtarët dhe familjet e tyre morën kërcënime pas atij incidenti. Për këtë arsye ato vendosën të mos kthehen me pjesën tjetër të delegacionit dhe të kërkonin mbrojtje jashtë vendit. Rasti tërhoqi vëmendjen ndërkombëtare. Presidenti i SHBA-së Donald Trump iu drejtua Kanberrës: "Jepuni azil lojtarëve iranianë. SHBA-të do t'i marrin nëse nuk e bëni."


Lajmi kryesor:

Lufta/ Irani valë të re sulmesh me dronë e raketa në Emiratet e Bashkuara! Turqia vendos sistemin Patriot të NATO-s në Malatya