Austria dhe Gjermania japin leje për hyrjen e refugjateve nga Hungaria për në territorin e tyre. Lajmin e ka bërë të ditur kancelari austriak Verner Feymann pas takimit me kryeministrin hungarez. 

Kancelari austriak është shprehur se vendi i tij dhe Gjermania kanë rënë dakord për të lejuar emigrantët që të kalojnë kufijtë e tyre nga Hungaria.

Verner Faymann bëri komentet menjëherë pasi autoritetet Hungareze dërguan autobusë për të transportuar një grup emigrantësh të cilët kishin qenë duke ecur në kufi.
Vendet e Bashkimit Evropian janë duke luftuar për të rënë dakord se si të merren me krizën.

Më parë, qindra emigrantë lanë stacionin e Budapestit në këmbë pas një konfrontimi me policinë, duke sfiduar përpjekjet zyrtare për ti marrë ata në qendrat e pritjes për të bërë regjistrimin e tyre.

Gjithashtu edhe një grup tjetër emigrantësh u arratis duke ndjekur linjën e hekurudhave në Bicske, në perëndim të kryeqytetit hungarez.
emigrantet

Redaksia Online
(d.a/shqiptarja.com)