POP 5

Lajmet më të lexuara të 5 minutave të fundit

Politikë

Austria: Në dhjetor do t'iu japin
statusin e vendit kandidat për në BE

Presidenti austriak Heinz Fischer gjatë takimit me kryeministrin Edi Rama, e siguroi atë për mbështetjen që, Austria do t’i japë Shqipërisë duke i dhënë në një farë mënyrë një votë plus në marrjen e vendimit.
Austria: Në dhjetor do t'iu japin<br />statusin e vendit kandidat për në BE
TIRANË - Austria është zotuar se në dhjetor do të mbështes Shqipërinë për të marrë statusin e vendit kandidat. Kështu është shprehur Presidenti austriak Heinz Fischer gjatë një takimi me kryeministrin shqiptar Edi Rama në Nju Jork. Presidenti Heinz Fischer e siguroi Kryeministrin për mbështetjen që Austria do t’i japë Shqipërisë në dhjetor për marrjen e statusit të vendit kandidat në Bashkimin Europian, duke i dhënë në një farë mënyrë një votë plus Shqipërisë në marrjen e vendimit.

Nuk ka qenë vetëm ky lajm pozitiv që vjen nga Austria, por është edhe ajo e mbajtjes se marrëdhënieve të mira tregtare dhe të sipërmarrjes mes dy shteteve. Kryeministri Rama e siguroi Presidentin Fischer për klimën pozitive të biznesit në Shqipëri dhe ftoi sipërmarrësit austriakë të investojnë në vendin tonë. Nga ana e tij, kryeministri Rama e njohu Presidentin Fischer edhe me prioritet e qeverisë së re në integrimin sa më të shpejtë të vendit në Bashkimin Europian.

Eliot Engel
Kryeministri Rama, në kuadër të takimeve në Nju Jork ka zhvilluar edhe një takim miqësor me kongresmenin Eliot Engel, i cili, sipas njoftimit zyrtar nga Kryeministra, e ka përgëzuar Edi Ramën për fitoren e thellë në zgjedhjet e 23 qershorit, si edhe për programin qeverisës që mori votëbesimin e parlamentit.

Hashim Thaçi
Kryeministri Rama ka zhvilluar edhe një takim me homologun e tij kosovar Hashim Thaçi në Nju Jork. Kryefjala e këtij takimi ka qenë sigurisht njohja e Kosovës si vend i pavarur nga ata që enden nuk e kanë mbështetur si dhe për çështjen e integrimit në Bashkimin Europian. Nga ana e tij, kryeministri Rama u shpreh se në atë takim pune u diskutua koordinimi i forcave në funksion të njohjeve të reja të shtetit të Kosovës: “Ishte kënaqësi e posaçme që u takuam, edhe pse takimet midis nesh janë gjithnjë e më të shpeshta. Ishte kënaqësi aq më tepër këtu në Nju Jork, në këtë moment të rëndësishëm të vitit politik dhe padyshim, që mundëm të shkëmbejmë pikëpamjet për thellimin e një procesi bashkëpunimi që tanimë ka filluar.

Në ndërkohë shkëmbyem mendime edhe për koordinimin e forcave në funksion të njohjeve të reja të shtetit të Kosovës, si dhe në funksion të partneriteteve ekonomike midis nesh dhe me palë të treta”. Ndërsa nga ana tjetër kryeministri Thaçi nënvizoi se  “E falënderova edhe njëherë Kryeministrin Rama për mbështetjen e fuqishme, që po jep për Republikën e Kosovës në procesin e njohjeve, në çdo takim që ka patur me lidershipin botëror këtu në Nju Jork. Ne diskutuam për hapat që do ndërmerren për bashkëpunimin strategjik mes Shqipërisë dhe Kosovës, për paqen dhe stabilitetin në rajon. Natyrisht, kemi një agjendë e cila lidhet drejtpërdrejtë edhe me procesin e njohjeve të pavarësisë së Kosovës. Për këtë çështje, që njohjet të rriten, besoj se angazhimi i Shqipërisë dhe i Kryeministrit Rama do të vazhdojë të jetë fuqimisht i përkushtuar”.

Shkrimi u publikua sot (25.09.2013) në gazetën Shqiptarja.com (print)

Redaksia Online
(a.ç/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

112-vjetori i Pavarësisë/ Ceremonia e ngritjes së flamurit në Shkodër

112-vjetori i Pavarësisë/ Ceremonia e ngritjes së flamurit në Shkodër

28 Nëntor, 13:46