Autobusi i linjës së 'Kopshtit Zoologjik' përplaset me atë të 'Tiranës së Re' dhe më pas përfundon në murin e ministrisë në qendër të Tiranës! 4 pasagjerë të lënduar

Autobusi i linjës së 'Kopshtit Zoologjik' është përplasur me autobusin e linjës së 'Tiranës së Re' mëngjesin e sotëm, duke lënë të plagosur 4 pasagjerë. Aksidenti është regjistruar në orët e para të mëngjesit në qendër të Tiranës.

Ka qenë parakalimi i gabuar i autobusit të linjës së 'Kopshtit Zoologjik', që ka çuar në përplasjen me atë të 'Tiranës së Re' dhe më pas ka përfunduar duke u përplasur me murin e Ministrisë së Infrastrukturës. Nga përplasja kanë mbetur të plagosur lehtë 4 pasagjerë, të cilët udhëtonin në autobusin e linjës së 'Kopshtit Zoologjik'.

Report Tv ka siguruar videon nga vendi i aksidentit, ku dallohet se autobusi i linjës së 'Kopshtit Zoologjik' ka pësuar dëme të konsiderueshme në pjesën e përparme, duke lënë të kuptohet se përplasja ka qenë e fortë.

Policia vijon hetimet për sqarimin e plotë të rrethanave të aksidentit.

Autobusi i linjës së Kopshtit Zoologjik i aksidentuar
 

I.K./r.k./Shqiptarja.com
  • Sondazhi i ditës:

    Rënia e rasteve me Covid-19 dhe efekti i vaksinimit, a duhet të hiqet ora policore?

Komento

Komente

  • Ggg: 20/04/2021 08:52

    Ketu tek ne eshte gallate fare, shoferet e autobuzeve harrojne qe po ngasin autobuze, i duket vetja sikur po ngasin makina sportive.....

    Përgjigju


×

Lajmi i fundit

John

Vrasje me armë zjarri në Tiranë pas një konflikti, ndërron jetë në spital 27-vjeçari! Disa të shoqëruar (EMRI+VIDEO)