Qindra persona, ndoshta edhe mijëra, mund të kenë humbur jetën nga cikloni Chido në arkipelagun francez Mayotte në Oqeanin Indian, tha të dielën në televizionin lokal një zyrtar i lartë francez.
“Mendoj se do të jenë me siguri qindra, ndoshta edhe mijëra, disa mijëra”, tha në kanalin televiziv Mayotte La 1ere, prefekti Francois-Xavier Bieuville.
E pyetur për viktimat, ministria e brendshme franceze tha se “do të jetë e vështirë të evidentohen të gjitha viktimat” dhe se një shifër e saktë nuk mund të përcaktohej në këtë fazë.
Cikloni Chido goditi në Mayotte gjatë natës, tha administrata zyrtare e metereologjisë Meteo-France, me erëra me shpejtësi mbi 200 kilometra në orë që dëmtuan vendstrehimet, godinat e qeverisë dhe një spital. Sipas Meteo-France, kjo ishte stuhia më e fuqishme që ka goditur ishullin në mbi 90 vite.
Pamjet e marra nga ajri nga forcat e xhandarmërisë franceze tregonin rrënojat e qindra barakave nëpër kodrat e njërit prej ishujve Mayotte, ku ka pasur një përqendrim emigrantësh të paligjshëm nga Comorosi fqinj.
Rezultoi e vështirë përllogaritja e viktimave pas ciklonit, që shkaktoi shqetësime edhe për qasjen tek ushqimi, për ujin e pijshëm dhe higjienën, thanë autoritetet.
“Për numrin e viktimave, do të komplikohet situata, pasi Mayotte është territor mysliman ku të vdekurit varrosen brenda 24 orëve”, tha më herët një zyrtar i ministrisë së brendshme franceze. Sipas ministrisë, në Mayotte gjenden mbi 100 mijë emigrantë pa dokumente.
Duhen katër ditë udhëtim me anije që të mbërrihet në Mayotte, e gjendur gati 8 mijë kilometra larg Parisit. Mayotte është më e varfër se pjesa tjetër e Francës dhe është përballur prej dekadash me dhunën nga bandat dhe trazirat sociale.
Rreth 77% e banorëve në Mayotte jetojnë nën pragun e varfërisë. Tensionet ishin shtuar më herët këtë vit për shkak të mungesës së ujit të pijshëm.
Cikloni u zhvendos të dielën drejt Mozambikut verior, ku nuk ishin ende të qarta pasojat e goditjes. Sipas një njoftimi në rrjetin X të monitoruesit të internetit NetBlocks, reshje të mëdha dhe erërat kishin dëmtuar furnizimin me energji dhe infrastrukturën e telekomunikacionit. /VOA/
Lajme të tjera
-
Francë/ Dënohet grupi i drogës, u zbuluan nga ‘Sky ECC’, lidhje me Shqipërinë dhe roli i ‘Eduardit’
14 Dhjetor, 16:58 -
Milioneri 95-vjeçar ia lë të gjithë pasurinë qytetit të tij të lindjes në Francë, por me disa kushte
12 Dhjetor, 17:25 -
40 mijë trupa të NATO-s në Ukrainë, zbulohet plani francez dhe polak për luftën
12 Dhjetor, 17:15 -
Media franceze 'AD Magazine': Shqipëria mes vendeve të jashtëzakonshme në botë për t’u vizituar në 2025
12 Dhjetor, 07:36 -
Policia greke thellon hetimet për rrjetet shqiptare të drogës! Numrat e telefonave të bosëve të drogës, përgjimet në SKY ECC dhe lidhja me MATRIX
9 Dhjetor, 21:19 -
Rihapja e Notre Dame në Paris/ U takua me Elon Musk dhe Trump, Osmani: Kemi besim në mbështetjen e fortë të SHBA-së! Biseduam dhe për luftën ndaj dezinformimit
8 Dhjetor, 21:44 -
Rihapja e Katedrales ‘Notre-Dame’, Rama: Shqipëria kontribuoi modestisht për rindërtimin (VIDEO)
7 Dhjetor, 21:36 -
Sot ceremonia e hapjes së katedrales Notre-Dame/ Presidentët Trump dhe Zelensky kanë mbërritur në Paris
7 Dhjetor, 16:35 -
Tentuan të kalonin 17 kg kokainë nga Spanja në Francë, 2 shqiptarë të arrestuar
7 Dhjetor, 10:56 -
Rihapet Katedralja e ‘Notre-Dame’, Trump e liderët botërorë në Paris! Kambanat bien për herë të parë pas 5 vitesh! Macron: Le t’ia kthejmë botës! I pranishëm edhe Rama
7 Dhjetor, 08:04 -
Franca në krizë politike/ Presidenti Macron negociata për qeveri të re! Opozita gati, kusht reforma e pensioneve
6 Dhjetor, 15:40 -
Ndalen dy motorë të Evropës: Franca i bashkohet Gjermanisë në kaosin politik
5 Dhjetor, 17:03
