POP 5

Lajmet më të lexuara të 5 minutave të fundit

Ekonomi

Abuzimet e bizneseve në 2022 u rriten, Autoriteti i Konkurrencës: Në 20 vite vlera e gjobave arriti në 12.4 mln euro! Sejko: Në fokus duhet të keni edhe sektori financiar

Gjatë 2022 u rritën abuzimet me pozitat dominuese dhe rastet e marrëveshjeve të fshehta të biznesit për fiksimin e çmimeve në treg, thotë Autoriteti i Konkurrencës. Në bilancin e 20 viteve ligj për mbrojtjen e konkurrencës, Guvernatori Gent Sejko kërkoi më shumë monitorim dhe kontroll në sektorin financiar në vend

Rastet e bizneseve që abuzojnë me pozitat e tyre dominuese, marrëveshjet e fshehta mes sipërmarrjeve duke caktuar çmimet apo përqendrimet e tregut në sektorë të caktuar duke cenuar konkurrencën, në vitin e kaluar u rritën.

Në vitin 2022, ishin 8 kompani që janë gjobitur me vlerë 2.1 milionë euro, të përqendruara tek tregu i plehrave kimike e inputeve bujqësore, importi grurit dhe tregtimi i miellit si edhe parkimi në aeroport.

Denar Biba kryetar i Autoritetit të Konkurrencës në konferencën ndërkombëtare për mbrojtjen e konkurrencës bëri bilancin e 20 viteve punë.

“Në total në këto 20 vite autoriteti ka miratuar 1056 vendimi, ka marrë 50 vendime gjobash, me vlerë prej 12.4 milionë euro, vetëm në vitin e fundit u morën 99 vendime dhe vlera e gjobave 2.1 milionë euro”,- tha Denar Biba konferencën ndërkombëtare me temë: “20-vjetori i ligjit “Për mbrojtjen e konkurrencës” në Shqipëri.

I pranishëm në konferencë Guvernatori Gent Sejko kërkoi fokusim të kontrolleve në sektorin financiar.

“Të njëjtat efekte, si në sektorët e tjerë të ekonomisë, konkurrenca duhet t’i prodhojë edhe në sektorin financiar, duke kontribuuar në zgjerimin e gamës dhe cilësisë së produkteve dhe shërbimeve financiare të ofruara nga bankat, si dhe rritjen e aksesit në financë. Zbatimi i politikës së konkurrencës në sektorin bankar mbetet një çështje e komplikuar”, tha Sejko.

Në konferencë u theksua se goditja e abuzime në treg, rritja e konkurrencës në vend si dhe përmirësimi i klimës së biznesit në vend, janë edhe kushte thelbësore për anëtarësimin e vendit në BE.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • niku: 26/11/2023 11:54

    konkurencen ne treg e demtojne nderhyrjet shteterore. prandaj vendet me taksa me te ulta jane me te Zhvilluarat, kurse ato me taksa te larta si fqinjet e shqiperise kane papunesi te larte

    Përgjigju
  • Tutu: 23/11/2023 18:14

    Denari … ose shvejku i qeverise …!!

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56