Autorja e serisë së famshme të “Harry Potter”, JK Rowling dhuroi 20 milionë dollarë për hulumtimet që do të bëhen mbi neurologjinë.
Rowling bëri dhurimin e konsiderueshëm për kërkime në trajtimin e sklerozës së shumëfishtë në një qendër që mori emrin e mamasë së saj.
Kjo do ndihmojë në krijimin e lehtësive për mbështetjen e kërkimeve në Anne Rowling Regenerative Neurology Clinic në Universitetin e Edinburgh Skoci, për lehtësimin e jetës për njerëzit me sklerozë të shumëfishtë dhe sëmundjet e ngjashme.
Nëna e autores vuante nga sëmundja e sklerozës së shumëfishtë dhe vdiq në moshën 45-vjeçare.
Në vitin 2010 autorja Rowling dhuroi 12 milionë dollarë që çoi në krijimin e klinikës Anne Rowling në universitet.
Autorja tha se është inkurajuar nga përparimet dhe është krenare që klinika ka ofruar mbështetje dhe kujdes për njerëzit me sklerozë të shumëfishtë.
Klinika studion kushtet neurologjike duke përfshirë sklerozën e shumëfishtë, sëmundjen e neuroneve motorike (MND), Parkinson dhe demetian si edhe synon të mbështesë të sëmurët nga sëmundjet që prekin trurin.
