Librat aq të dashur nga të rritur dhe fëmijë të ‘Harry Potter’ do të sillet si një serial televiziv, nga një kast aktorësh të njohur në botën e filmit dhe kinemasë. Seriali do të sjellë jetë në ekranin e vogël të shtëpive të fansave të botës së magjisë për një periudhë 10 vjeçare.
‘Harry Poter’ është një seri romanësh fantazi të shkruara nga shkrimtarja britanike, J. K. Rowling. Vëllimet rrëfejnë aventurat e një magjistari të ri, Harri Poter, dhe miqve të tij, të cilët janë studentë në Shkollën e Magjisë dhe Shtrigërisë Hoguorts.
Seriali, me një kast të ri, premton të jetë origjinal dhe një "përshtatje besnike" e librave jashtëzakonisht të njohur për botën e magjisë. Në thelb të ekskluzivitetit, do të jetë autorja JK Rowling e cila do të shërbejë si producente ekzekutive.
Seriali do të jetë i disponueshëm në Max, i quajtur si HBO Max , një shërbim transmetimi nga Warner Bros, kompania e prodhimit që qëndron pas filmave origjinalë.
Është zbuluar se seriali i ri do të shfaqë një kast të ri për të udhëhequr një brez të ri fansash, plot detaje fantastike, personazhe shumë të dashur dhe vendndodhje dramatike që fansat e Harry Potter i kanë dashur për më shumë se 25 vjet
Autorja e veprave të Harry, u shpreh entuziaste për këtë risi, i cili do të lejojë një shkallë thellësie dhe detajesh të ofruara me profesionalizëm.
Harry Potter është një fenomen kulturor dhe është e qartë se ka një dashuri dhe etje kaq të madhe nga fansat për të zbuluar më shumë mbi botën mistike të magjisë.
Më interesantja është se seri e re Max Original do të zhytet thellë në secilin prej librave ikonë që fansat kanë vazhduar të shijojnë gjatë gjithë këtyre viteve.
Rowling, është një nga autoret më të suksesshme të të gjitha kohërave me shtatë librat e saj Harry Potter, të botuara midis 1997 dhe 2007, duke shitur më shumë se 500 milionë kopje në mbarë botën.
Lajme të tjera
-
Ndërron jetë në moshën 72-vjeçare Robbie Coltrane, legjenda e Harry Poter që luajti Hagrid
14 Tetor 2022, 20:32 -
‘Kjo më kujton një vajzë që njoh’, Arbana Osmani publikon serialin e Netflixit me protagoniste një mashtruese! Ke po ‘thumbon' moderatorja?
7 Prill 2022, 21:21 -
Ndahet nga jeta aktori i ‘Friends’ James Michael Tyler 'Gunther', në moshën 59 -vjeçare
25 Tetor 2021, 00:03 -
‘Squid Game’ një fenomen! Veshin kostume të ngjashme dhe imitojnë protagonistët, një grup fëmijësh nga Nigeria rikrijojnë skena nga seriali
17 Tetor 2021, 14:28 -
Mozzik sukses ndërkombëtar, kënga e tij pjesë e serialit të famshëm 'Gangs of London'
10 Maj 2020, 21:14 -
Eva Murati: Lexoni ‘Harry Poterin’, është zgjedhja ideale për këtë ditë karantine (VIDEO)
8 Prill 2020, 10:00
