POP 5

Lajmet më të lexuara të 5 minutave të fundit

Sociale

Avdul Zebi rikthen traditën e mullirit të blojës: Investimi është i vogël, por përkushtimi ndaj punës është i madh

Avdul Zebi po i përgjigjet më së miri kërkesave në rritje për miell të bluar në mënyrë tradicionale. Ai ka hapur një mulli bloje në Peshkopi, dhe tregon se puna është shtuar pasi banorët i janë rikthyer traditës për ta gatuar bukën vetë.

Avdul Zebi është një ndër mullixhinjtë më të njohur në Peshkopi. Ai e ka hapur këtë biznes 6 vite më parë, fillimisht duke bluar miell misri për përdorim në blegtori. Në rrëfimin e tij për Report Tv, Avduli tregon se gjithnjë e më shumë banorët po i kthehen traditës së bukës me miell të bluar në mënyrë artizanale.

“E nisëm me një mulli. Tani kemi filluar t’i shtojmë së është shtuar dhe kërkesa. Njerëzit i janë kthyer traditës, prodhimit bio. Prodhon e gjithë Zona. Ndihet puna me rritjen e miellit”, tha mullixhiu.

Aktualisht janë në funksion 4 mullinj bloje që punojnë me energji elektrike. Banorët e sjellin misrin nga fermat e tyre dhe e bluajnë kundrejt pagesës 600 lek për kuintal.

“Kam 4 mullinj në punë. Punojnë 6-7 orë. Ato që vijnë në mëngjes për në qytet e mbarojnë dhe këtë punë. Investimi është i vogël, por përkushtimi ndaj punës krijon klientelën. Shërbimet i bëjmë vetë, pasditeve. Kemi një të punësuar me kohë të pjesshme”, tha Avduli.

Me këtë mulli në fshatin  Borovjan pranë rrugës nacionale Peshkopi-Kukës, Avdul Zebi prodhohen rreth 16 kuintal miell misri në ditë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01