Avionët e luftarakë të Polonisë dhe disa nga vendet aleate u ngritën në një mision patrullimi përballë sulmit masiv raketor të nisur që mbrëmjen e djeshme nga forcat ruse kundër Ukrainës. Lajmin e bëri të ditur Komanda Operative e Forcave të Armatosura Polake.
“Ne paralajmërojmë se janë përfshirë avionë polakë dhe disa vende aleata, të cilët mund të shkaktojnë zhurmë, veçanërisht në pjesën juglindore të vendit”, thuhet në një deklaratë.
Kjo gjë vjen pasi qeveria e Varshavës denoncoi një sulm kibernetik të kryer nga Moska, me qëllimin e destabilizimit të Europës përpara zgjedhjeve.
Orët e fundit Ukraina ka përjetuar një nga sulmet më masive të kohëve të fundit, me alarmin që kumboi në të gjithë territorin. Mbrojtja ajrore njoftoi rrëzimin e 35 raketave lundrimit dhe 46 dronëve kamikazë rusë.
Sipas autoriteteve në Kiev, shënjestra e tyre ishin 5 qendra të mëdha të shpërndarjes së energjisë elektrike.
Estonia e konsideron veten një shtet të vijës së parë, një anëtar i NATO-s, ku rojet e saj kufitare shikojnë përtej lumit Narva, kështjellën ruse të Ivangorod.
Ky shtet i vogël baltik, dikur pjesë e Bashkimit Sovjetik, është i bindur se sapo të ndalojnë luftimet në Ukrainë, presidenti Vladimir Putin do ta kthejë vëmendjen e tij drejt këtij rajoni.
Për të ndihmuar në shmangien e kësaj mundësie, qeveria e Estonisë ka derdhur para dhe ka dërguar armë për të ndihmuar ushtrinë e Ukrainës shkruan BBC.
"Nëse çdo vend i NATO-s do ta bënte këtë," thotë kryeministrja Estonisë Kaja Kallas, "Ukraina do të fitonte."
Por Ukraina nuk po fiton.
Pa artileri, municione, mbrojtje ajrore dhe mbi të gjitha, trupa, Ukraina po përpiqet të mbajë peshën e madhe të fuqisë së zjarrit ruse, bombave dhe sulmeve masive.
“Ne nuk kemi plan B në rast të fitores së Rusisë, sepse atëherë do të ndalonim së fokusuari në planin A” të fitores së Ukrainës, shtoi ajo duke nënvizuar se ne nuk duhet t'i dorëzohemi pesimizmit. Fitorja në Ukrainë nuk ka të bëjë vetëm me territorin. Nëse Ukraina i bashkohet NATO-s, edhe pa ndonjë territor, atëherë kjo është një fitore sepse ajo do të vendoset nën ombrellën e NATO-s."
Forcat ruse kanë goditur aeroportin ushtarak pranë qytetit Stry, në rajonin e Lvivit, tha për agjencinë e lajmeve Ria Novosti koordinatori ushtarak, Sergei Lebedev. Në bazën ajrore forcat e armatosura ukrainase po përgatiteshin të merrnin avionët luftarakë F-16 të NATO-s.
Gjithashtu ai shton se u sulmuan edhe magazina. Sipas burimeve, në aeroportin ushtarak ka ndodhur një shpërthim shumë i fuqishëm. Gjashtë raketa goditën tre infrastruktura kritike në rajonin e Lviv. Ndërsa Ministri i Brendshëm ukrainas raportoi se të paktën katër persona janë plagosur.
Lajme të tjera
-
Zyrtar i lartë i NATO-s: Bizneset duhet të përgatiten për një “skenar lufte”
25 Nëntor, 18:29 -
‘Rikthehet’ Merkel: Të bëjmë çmos kundër përdorimit të armës bërthamore
25 Nëntor, 14:28
-
Lufta/ Media franceze: Londra dhe Parisi po rishqyrtojnë mundësinë e dërgimit të trupave në Ukrainë
25 Nëntor, 07:59 -
Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës
24 Nëntor, 22:57 -
Zgjedhjet presidenciale në Rumani/ Sondazhet nxjerrin në avantazh kandidatin pro-evropian
24 Nëntor, 22:32 -
E ardhmja e NATO-s dhe qëndrimet e Trump
24 Nëntor, 17:30 -
Zelensky kërkon më shumë sisteme për mbrojtjen ajrore në Ukrainë
24 Nëntor, 15:22 -
Putin dhe ëndrra për Ukrainën si një shtet kukull i Moskës! Plani i tij për të pranuar armëpushimin
24 Nëntor, 12:38
-
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
VIDEO/ Mirlind Daku shënon dy gola në Rusi, ia dedikon Martinit: Ai shndrit parajsën
23 Nëntor, 22:43 -
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35
