Avokati Idajet Beqiri ka komentuar situatën politike në vendin tonë. Në një intervistë, ai ka dhënë detaje të forta për disa nga ngjarjet më të bujshme që ende nuk janë zgjidhur sot në Shqipëri. Si fillim, avokati foli për situatën brenda Partisë Demokratike, e cila po pret vendimin e Apelit që është shtyrë dy herë. Gjithashtu ai ka komentuar dhe protestën që organizoi Berisha në datën 12 dhe protestën e dështuar të Sali Berishës. Beqiri e quajti mashtrues dhe të paturp. Gjithashtu avokati ka hedhur dhe një akuzë “bombë” për ish-kryeministrin.
Ai e ka thënë hapur se Berisha ka vrarë Sokol Olldashin për të sjellë Lulzim Bashën në krye të Partisë Demokratike. Në intervistën për gazetën “SOT”, Idajet Beqiri tha se abuzimi tek CEZ-DIA, pas Gërdecit dhe Fazlliçit, është afera e tretë nga më të rëndat ku Berisha i pa shpirt, e madje i pa moral sipas tij, zhyt djalin e tij Shkëlzen Berisha duke e bërë kontigjent krimi në këtë vjedhje galopante të shqiptarëve. Beqiri tha se kjo dosje nëse hetohet e plotë nga SPAK do të çojë drejt arrestimit Ilir Metën dhe Shkëlzen Berishën. Në fund, Idajeti ka kritikuar dhe SPAK. Sipas tij, “SPAK ka disa arritje të vogla, por nuk po i justifikon pritshmëritë e mëdha të shqiptarëve në luftën kundër korrupsionit dhe krimit të organizuar. SPAK nuk ka aktualisht kapacitete të afta dhe guxim profesional, që të bëjë gjënë e duhur kundër krimit të organizuar dhe korrupsionit të lartë shtetërorë. Do të duhet kohë që të kemi një SPAK i cili të jetë vërtetë SPAK dhe jo "hallvë e ftohtë", sikurse është sot.”
-Avokat, çfarë qëndron sipas jush në shtyrjen e gjyqit të PD?
Shtyrja e gjyqit të "Foltores" kundër PD-së së Alibeajt, është një akt normal, pasi avokati i PD kishte një arsye objektive për të mos marrë pjesë në gjykim. Ndaj me të drejtë Gjykata e Apelit Tiranë shtyu seancën gjyqësore. Por rëndësi ka zgjidhja në themel e çështjes. Vendimi absurd, i diktuar nga armiku i sistemit të drejtësisë Sali Berisha, i gjyqtarit Agron Zhukri, i cili njohu si legjitim të paligjshmen "Foltore", as që diskutohet që do të prishet nga Gjykata e Apelit Tiranë dhe Saliut do t'i mbetet si strehë vetëm Partia e Ilir-Monikës, domethënë Partia e atij që Sali Berisha e shantazhoi për 32 vjet me radhë me dosjen e ish Sigurimit të Shtetit...
-Berisha organizoi protestën në datën 12 nëntor dhe kërcënoi kryeministrin Rama se do e nxjerrë nga zyra, çfarë po synon në të vërtetë Berisha?
Berisha ka probleme të rënda me të vërtetën. Ai nuk e njeh të vërtetën, të drejtën, të moralshmen, ligjoren, tradicionalen...Sali Berisha është turpi i këtij vendi, është turpi i të qenurit shqiptar, është turpi i turpit të politikanit. Mashtrimi, demagogjia, ndyrsirllëku në fjalor, të qenurit gënjeshtar i pa cipë, të qenurit i pa moral dhe i pa familje, e kanë bërë atë të pabesueshëm nga askush. I venë pas një kategori si ai dhe disa të mavritosur të tjerë që janë në fakt kundër Qeverisë Rama, por meqenëse u ka vdekur alternativa dhe nuk shohin dritë në tunel, mendojnë se po qetësojnë shpirtin me këtë "Non Gratën" e përçudnuar. Protesta mbaroi. Militantët e bënë të vetën, ulëritën pa shpresë, hodhën pisllëkun që i karakterizon si alternativë mbi fasadën e Kryeministrisë dhe ikën të dëshpëruar, duke sharë e nëmur me forcë Sali Non Gratën që i gënjeu kur u tha "Hajdeni në protestë se do nxjerrim nga zyra Edi Ramën"!
-Nga ana tjetër në zhvillimet e fundit politike ka bërë bujë deklarata e vëllait të Sokol Olldashit. Ky i fundit akuzoi Berishën se vodhi zgjedhjet e 2013 duke kërcënuar dhe krerët e degëve të asaj kohe. Si i komentoni këto deklarata, pasi aksidenti i Olldashit është ende një mister?
Berisha është vrasës! Ai ka operuar dhe operon me metodat e sistemit komunist. Për të siguruar qenien e Ramiz Alisë si pasardhës i tij, Enver Hoxha vrau Mehmet Shehun. Sali Berisha, për t'i dhënë detyrën e Kryetarit të PD Lulzim Bashës, të cilin e kishte më besnikun mik të vajzës së tij Argita Berisha, vrau Sokol Olldashin...
-Së fundmi është marrë në pyetje Petrit Ahmeti, aktualisht kryetar i bordit të Entit Rregullator të Energjisë, i cili ka qenë këshilltar i ERE në kohën kur u arrit marrëveshja mes CEZ dhe DIA për mbledhjen e borxheve. Si e komentoni këtë zhvillim?
Afera ÇEZ-DIA është njëra nga aferat më të rënda të korrupsionit të Familjes tërësisht të inkriminuar të Sali Berishës. Pas Gërdecit dhe Fazlliçit, kjo aferë është e treta nga më të rëndat ku Berisha i pa shpirt, e madje i pa moral, zhyt djalin e tij Shkëlzen Berisha duke e bërë kontigjent krimi në këtë vjedhje galopante të shqiptarëve. Janë një shumë marramendëse eurosh që janë përvetësuar nga Shkëlzen Berisha, Ilir Meta dhe Sali Berisha prej aferës CEZ-DIA. Avokati Karaj e ka çuar të gatshme dosjen në SPAK. Tashmë nuk i ka mbetur gjë tjetër për të bërë SPAK-t, veç të arrestoj Ilir Metën dhe Shkëlzen Berishën dhe të dërgoj çështjen në gjyq.
-Nga ana tjetër Yuri Kim ka “zbarkuar” ditët e fundit në SPAK dhe ka paralajmëruar ditë të zeza” për korruptuarit dhe kriminelët, mendoni se po përgatiten arrestimet “VIP”?
SPAK ka disa arritje të vogla, por nuk po i justifikon pritshmëritë e mëdha të shqiptarëve në luftën kundër korrupsionit dhe krimit të organizuar. SPAK nuk ka aktualisht kapacitete të afta dhe guxim profesional, që të bëjë gjënë e duhur kundër krimit të organizuar dhe korrupsionit të lartë shtetërorë. Do të duhet kohë që të kemi një SPAK i cili të jetë vërtetë SPAK dhe jo "hallvë e ftohtë", sikurse është sot.
Ambasadorja Amerikane ka dhënë një kontribut të rëndësishëm për ta mbajtur SPAK "me ujë të ngrohtë", e ka stimuluar, i ka dhënë goxha suport mbrojtës, por "nuk bëhet pylli me urata, duhen kazma dhe lopata"! Vlerësoj se Ambasadorja e SHBA bënë mirë të jetë më e matur në deklaratat që bënë. Nuk është mirë t'i përgatitësh shqiptarët që të presin "cunamin" kundër krimit dhe korrupsionit të nivelit të lartë, e pastaj "të mbarëset mali për të pjellë një mi"! SHBA e dinë mirë çfarë duan shqiptarët pas shpalljes "Non Grata" të Sali Berishës dhe zhdukjes nga Presidenca të Ilir Metës. Ata duan që SPAK të tregoj veten dhe të ndihmojë Shqipërinë dhe shqiptarët duke prerë dy kokat e mëdha të krimit të organizuar dhe korrupsionit të lartë shtetërorë, të cilat janë Sali Berisha dhe Ilir Meta.
Kriminaliteti që është në nivelet më të frikshme në këtë vend, do të struket dhe nuk do të gjejë dot vend ku të fshihet, vetëm atëhere kur të jenë pas hekurave të burgut Sali Berisha, Ilir Meta dhe familjarët e tyre të mbytur në krime. Nëse këta banditë nuk do t'i vëmë realisht në bankën e të akuzuarve, për të marrë dënimin e merituar, nëse do të vazhdojmë me dystandartësinë, duke mos i ndëshkuar të fortët e krimit, populli do të demotivohej në të gjitha sferat dhe Shqipëria do të vazhdoj të mbetet pengu i krimit të lartë shtetërorë./SOT
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
Se Berisha ka eleminu Olldashin e din edhe Peja e Gjakova.
Përgjigju