POP 5

Lajmet më të lexuara të 5 minutave të fundit

Politikë

Axhenda/ Presidenti i 42-të i SHBA-ve Bill Klinton mbërrin nesër në Tiranë! Do pritet me ceremoni nga Rama

Ish-presidenti i Shteteve të Bashkuara të Amerikës Bill Clinton I cili  do të mbërrijë nesër në Tiranë, do të pritet me ceremoni zyrtare ndërsa do të dekorohet me “Yllin e Mirënjohjes për Arritjet Publike” nga kryeministri Rama. Vizita e parë e Clinton në vendin tonë mbahet në vigjilje të festës së Pavarësisë së SHBA.

Për herë të parë, presidenti i 42 i Shteteve të Bashkuara të Amerikës Bill Clinton, prek të hënën tokën shqiptare, ku do të qëndrojë deri në 4 korrik, ditë që përkon me pavarësinë e SHBA. 

Clinton do të pritet me ceremoni zyrtare nga kryeministri Edi Rama ndërsa do të dekorohet me dekoratën e lartë “Ylli i Mirënjohjes për Arritjet Publike”. Presidenti Clinton do të mbajë edhe një fjalim përgjatë Ceremonisë. Kjo është vizita e parë e presidentit të 42 të SHBA në Shqipëri.

Vetë Rama pak ditë më parë në një konferencë për shtyp paralajmëroi se kishte një dhuratë të madhe me datë 4 korrik, por nuk bëri me dije se për çfarë e kishte fjalën. Vizitën e Clinton, që njihet edhe si president nderi për shqiptarët, për vetë ndikimin pozitiv që ka mbajtur për Shqipërinë e Kosovën, është përshëndetur nga e gjithë politika shqiptare.

Ish kryeministri Sali Berisha tha se ai vjen si një hero kombëtar për kontributin që ka dhënë për kombin tonë.

Bill Clinton gjatë kohës së mandatit të tij si president i shtetit më të fortë në botë ndikoi në miratimin dhe realizimin e vendimeve të OKB-së për ndërhyrjen e NATO-së në Luftën e Kosovës në vitin 1999, çka detyroi presidentin e atëhershëm të asaj që kishte mbetur nga Jugosllavia Sllobodan Millosheviç të pranonte kushtet e një marrëveshjeje për t'i dhënë fund fushatës së tij ushtarake kundër UCK.

Vizita e Klinton vjen në një moment tensionesh në rajon, kryesisht në Veri të Kosovës.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Nardi: 02/07/2023 18:55

    Eshte ish president, mos e shkruani presidentit i SHBA, se vetëm nje president ne detyre ka ardhur ne Shqiperi, Xhorxh Bush dhe ka ardhur ne kohe te Berishës. Kshu ish presidenta mund te vijne nja 100 here. Se keta per biznes vijnë ose vjen me taku Safet Gjicin

    Përgjigju
  • Nuriancenka: 02/07/2023 18:30

    Bill kliton nuk iken ne amerike por do qendroje ne sarande por te marin partine ilir mete me udher nga amerika gjon belushi do mari partine demokratike lurse xhorxh bushi mund te vi ne shqiperi do mari partine foltore e sali berishe

    Përgjigju
  • Alb: 02/07/2023 16:29

    Hajde se ke me gjete nje ven teper te zhvillum.

    Përgjigju
  • Ndergjegja: 02/07/2023 14:23

    Vetem ne Shqiperi ndodh qe vizita private e nje ish presidenti amerikan te trumbetohet si nje SUPER VIZITE E NJE PRESIDENTI AKTUAL TE USA NE SHQIPERI...Kjo tregon se krediti i kryeministrit aktual ne DEPARTAMENTIN e USA-s eshte ne piken me te ulet,në mos afer ZEROS@E PAKTHYESHME. Te kujton viziten private te princit Samde Norodom Sihanuk@Monika Sihanuk-Kamboxhias ne fillim te viteve '70,pritjen e tyre nga shoku Enver,trumbetimi ne radio television dhe gazetat e kohes se qoftelargut...kohe limontie dhe te neveritshme...sa te ngjashme.

    Përgjigju
  • Sondazhi i ditës:

    Tragjedia në Shkodër, a duhet gratë të denoncojnë çdo formë dhune?

Lajme të tjera



×

Lajmi i fundit

FMN për tatimin mbi të ardhurat: Hap vendimtar në drejtimin e duhur, vendos drejtësi në sistem! 

FMN për tatimin mbi të ardhurat: Hap vendimtar në drejtimin e duhur, vendos drejtësi në sistem! 

7 Maj, 08:06