Ekspozita e një prej piktorëve më të talentuar, Azem Kuçana, është çelur këtë të hënë në Muzeun Historik Kombëtar. Sipas drejtorit të muzeut Dorian Koçi, figurat e demonstruara nga piktori marrin një vlerë të veçantë në historinë e artit shqiptar.
“Tradita është një pjesë e rëndësishme. Është një vektor i rëndësishëm i trashëgimisë tonë kulturore që na tregon rrënjët, na tregon lidhjet tona kulturore dhe shpirtërore me botën mesdhetare, me botën evropiane”.
Kuratorja e ekspozitës Suzana Varvarica e vlerëson krijimtarinë e Kuçanës për mrekullinë e një jete marramendëse në të shkuarën e malësorëve të baladave dhe të “Eposit të kreshnikëve”:
“Sepse figurativiteti i Azem Kuçanës lidhet me “Eposin”, lidhet me figura të dukshme të valleve ose të këngëve të lahutës tonë të mrekullueshme”-tha kuratorja e kësaj ekspozite, studiuesja e artit Suzana Varvarica Kuka.
Çelja e ekspozitës në Tiranë paralajmëron çeljen e një tjetre në Shtetet e Bashkuara të Amerikës.
“Mua më vjen shumë mirë që Azem Kuçana do të shkoj me këto piktura në Nju Jork. Por ka të tjera që e kanë kaluar tashmë kufirin e shteteve të Bashkuara të Amerikës dhe janë pjesë e kësaj ekspozite. Dhe kjo është pjesa e dytë e krijimtarisë së tij, të cilën e menduan së bashku ta ekspozonte këtu dhe më pas të bëhej kjo pjesë e ekspozitës së madhe me 80 punime në Nju Jork”-tha kuratorja Suzana Vavarica.
Veprat e Azem Kuçanës janë një histori pasioni që e ka përjetuar në fëmijëri përgjatë rrëfimeve të gjyshes, për kreshnikët, orët dhe zanat.
“Për mua është e natyrshme lidhja me motivet e Eposit”. Unë kam rreth 22 punë këtu dhe kam një cikël i cili shkon me deri 60 punë, të cilat janë me temë nga cikli i kreshnikëve, këngët e Mujit, e Halilit, zanat.”, thotë piktori Kuçana.
Ekspozita e Azem Kuçanës do të qëndrojë e çelur deri më dy tetor në sallonin e hyrjen kryesore të Muzeut Historik Kombëtar.
Lajme të tjera
-
Vlorë/ Gratë vlonjate që ranë dëshmore në Luftën e Dytë Botërore, çelet ekspozitë me materiale arkivore
18 Nëntor, 17:01
-
Fotografët grekë të “False mirror” turne fotografik në rrugicat e Korçës
18 Nëntor, 16:56
-
Ekspozohet krijimtaria në dekada e piktorit Naxhi Bakalli! Regjimi i shënjoi karrierën me veprën 'e ndaluar'
9 Nëntor, 13:55
-
Kryeministri Rama në ekpozitën e piktorit Naxhi Bakalli: Shfaqje e bukur linjash e ngjyrash! Kur kujtoj periudhën që isha student, bëhem i vogël para tij
8 Nëntor, 19:24 -
Krijimtaria e Gazmend Lekës, rrëfim në Fier me 130 vizatime! Ekspozita me një seri temash të realizuara gjatë 2021-2024
8 Nëntor, 12:47
-
Ekspozita fotografike 'Dyrrahu i rrëfyer nëpërmjet monedhave' çelet në Kullën Veneciane
7 Nëntor, 17:14
-
Hapet 'Ekspozita e Grupit Muri' në Vlorë, 30 punime dhe 12 artistë
3 Nëntor, 22:04
-
Arkitektura emblematike e Spanjës përmes fotografive! Arkitekti Santonja “sjell” në Tiranë Spanjën bashkëkohore
2 Nëntor, 13:56
-
'Letra nga Ferri', ekspozitë rrëqethëse për ish të burgosurit! Dëshmi e terrorit, torturës në birucat e regjimit! Të shkruarit si formë rezistence
29 Tetor, 14:56
-
50 vepra të Bujar Zajmit për herë të parë në një ekspozitë, e bija: Babai punoi në fshehtësi, pas ’90 filloi të prezantojë veprat e tij
28 Tetor, 16:37
-
Kryeministri Rama pjesë e ekspozitës në Marian Goodman, 'New York Times': Kapitull i ri për galerinë dhe art konceptual
25 Tetor, 13:07 -
Një ‘testament’ për diversitetin kulturor! “Rrëfime të endura” nga artistit i komunitetit egjiptian
15 Tetor, 15:38
