Baba i një vajze, ky është 25-vjeçari shqiptar që vdiq në aksident në Itali

Baba i një vajze, ky është 25-vjeçari shqiptar që vdiq në aksident në Itali

Haris Shala

Një 25-vjeçar shqiptar ka humbur jetën dje (22 prill), si pasojë e një aksidenti në Itali.

Viktima i identifikuar si Haris Shala banues në Pisa ishte kamionist dhe babai i një vajze të vogël, raportojnë mediat italiane.

Nuk kishin kaluar as një mijë ditë para se të binte një zi e re në familjen Shala, pasi Haris në tetor të vitit 2021 kishte humbur po në një aksident rrugor, kushëririn e tij, Besmirin.

Aksidenti ndodhi rreth orës 10:15 në autostradën A22 Brennero në provincën e Veronës.

 Fillimisht autostrada ishte mbyllur më herët që nga ora 06:20 deri në orën 08:22 për të lëvizur një rimorkio që ishte përmbysur në rrugë.

Më pas ajo u rihap në një korsi për të lejuar që të lirohej sadopak trafiku, përpara një mbylljeje pasuese në orën 09:40 të mëngjesit. Ndërkohë që vetëm pak minuta më vonë ndodhi edhe aksidenti i dytë, ku humbi jetën 25-vjeçari shqiptar.

Përplasja ndodhi mes dy kamionëve që po udhëtonin të dy në drejtim të Modenës. Si pasojë e motit të keq, viktima nuk i ka parë mjetet e ndalura në kolonë dhe ka goditur makinën e fundit të rreshtit. Pas përplasjes së fuqishme, shoferi vdiq brenda kabinës së kamionit.

Haris Shala ishte i njohur në qytet.

“Ai ishte një djalë i mirë, por edhe shumë i përgjegjshëm, kujton Marco, një shok shkolle. Një person i integruar dhe i pëlqyer. Na vjen vërtet shumë keq. Ky lajm na ka tronditur”.

 “Nuk ka fjalë, thotë Herta kushërira e tij e pushtuar nga lotët. Dhimbja në këtë moment është vërtet shumë e madhe”.

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A jeni dakord që personat e së njëjtës gjini të martohen ligjërisht?



×

Lajmi i fundit

Durrës/ 24-vjeçari plagoset me armë zjarri, paraqitet në spital! Rrethanat e paqarta

Durrës/ 24-vjeçari plagoset me armë zjarri, paraqitet në spital! Rrethanat e paqarta