"Babagjyshët, 35-vite burg
për Ilir Kupën e Agustin Sulën
Emrat/Të dënuarit nga Gjykata
Arkiv/Të gjitha lajmet për Ilir Kupën

Gjykata e Krimeve të Rënda ka dhënë sot vendimet për anëtarët e bandës së "Babagjyshëve". Dënimet më të rënda janë ato për Ilir Kupën dhe Agustin Sulën me nga 35 vite burg secili.

Kupa njihet si truri i grupit kriminal i akuzuar për disa vepra penale në Shqipëri ashtu edhe në Greqi. Por, dy të dënuarit përfitojnë ulje të dënimit prej gjykimit të shkurtuar. Kështu Ilir Kupa do të vuajë pas hekurave 23.4 vite burg, ndërsa Agustin Sula, 26 vite burg. 

Krimet e Rënda kanë dhënë vendimet edhe për anëtarët e tjerë të Bandës së "Babagjyshave". Mark Shpendi është dënuar me 24 vite burg, por njësoj si të parët, edhe ai përfiton nga gjykimi i shkurtuar dhe do të vuajë 13 vite burg. Po 24 vite burg janë dhënë edhe për Enea Qerrushin, të cilit i zbriten 8 burg dhe pas hekurave do të kalojë 16 vite burg. 

22 vite burg janë dhënë për Hajdar Sefën, të cilit gjithashtu i zbritet dënimi në 14.8 vite burg.  

Ndërsa Edmond Selala, i dënuar me 13 vite burg nga Gjykata e Krimeve të Rënda, do të vuajë vetëm 8.8 vite burg. 

Dënimet e Gjykatës së Krimeve të Rënda:
Ilir Kupa -  35 vite burg, dënimi i zbritet në 23.4 vite burg

Agustin Sula - 26 vite burg, dënimi i zbritet në 26 vite burg 

Mark Shpendi - 24 vite burg, dënimi i zbritet në 16 vite burg

Enea Qerrushi- 24 vite burg, dënimi i zbritet në 18 vite burg

Hajdar Sefa- 22 vite burg, dënimi i zbritet në 14.8 vite burg  

Edmond Selala- 13 vite burg, dënimi i zbritet vetëm 8.8 vite burg. 

Redaksia Online
l.q/Shqiptarja.com