POP 5

Lajmet më të lexuara të 5 minutave të fundit

Politikë

Baçi: Akuzat se kam qenë i arrestuar
për korrupsion,me prapavijë politike

Kreu i sapozgjedhur i Partisë Demokratike Dega Fier, Luan Baçi, ka reaguar pas publikimeve në disa media se ka qenë i akuzuar për korrupsion. Luan Baçi ka mohuar të këtë qenë më parë i dënuar apo i arrestuar, ndërsa ka vendosur në dispozicion të mediave edhe dëshmi penaliteti.
FIER- Kreu i sapozgjedhur i Partisë Demokratike Dega Fier, Luan Baçi, ka reaguar pas publikimeve në disa media se ka qenë i akuzuar për korrupsion. Disa media të shkruara pohojnë se sipas demokratëve fierakë fitorja e tij ka qenë e paracaktuar, ndërsa shtojnë se Luan Baçi, me profesion avokat, në vitin 2012 është pezulluar nga detyra si drejtor i Drejtorisë Rajonale të Shërbimeve të Transportit Rrugor në Fier, pas akuzës për marrje ryshfeti dhe korrupsion pasiv.
 
Sipas po të njëjtave media, Baçi është pezulluar nga detyra së bashku me tre zyrtarë të tjerë dhe disa drejtues autoshkollash private, pas abuzimeve në dhënien e patentave.
 
Akuza ndaj tij, por edhe zyrtarëve të tjerë ka ardhur pas një hetimi 7-mujor.
 
Por, Luan Baçi ka mohuar të këtë qenë më parë i dënuar apo i arrestuar, ndërsa ka vendosur në dispozicion të mediave edhe dëshmi penaliteti.
 
Baçi ndër të tjera u shpreh se akuzat ndaj tij janë më prapavijë politike.
 
Luan Baçi, në zgjedhjet e djeshme në degën e Fierit doli fitues me 209 vota, përballë tre kandidatëve të tjerë, Ervin Llakaturës, Vasil Ndrekos dhe Ilir Hilës.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27