Gjeneral Bajram Begaj tashmë që është kandidat zyrtar për President Republike, pasi ka marrë 37 firma deputetës socialistë që janë dorëzuar në Kuvendin e Shqipërisë. Ai depozitoi te ministri i Mbrojtjes dhe te Kryeministri kërkesën për dorëheqjen nga Shefi i Shtabit të Përgjithshëm të Ushtrisë për shkak se ligji e kërkon dhe detyron që ushtarakët s’mund të zgjidhen në pozicione të rëndësishme politike.

Dekretimi i lirimit nga detyra u firmos nga Presidenti Meta në Stamboll, pasi presidenti ndodhet atje për të marrë pjesë në një forum ndërkombëtar. Kjo zhbëri një ngërç që mund të ishte krijuar por u zgjidh me bashkëpunim mes institucioneve.

Më herët Meta kishte paralajmëruar se do të respektonje çdo vendim të Kuvendit të shprehur me votë.

'Lidhur me këtë çështje dhe specifikat e saj Presidenti Meta ka zhvilluar sot një bisedë telefonike me Ministrin e Mbrojtjes, Niko Peleshi.'- njoftoi presidenca, duke ju referuar dekretimit të dorëheqjes së Begajt, nga posti i Kreut të Shtabit të Përgjithshëm.

Kryetari i grupit parlamentar socialist Taulant Balla më herët kishte thënë se shpreson që Meta të mos i krijojë probleme me dekretimin por gjithsesi së bashku me Komisionin e Ligjeve i kanë marrë masat.

“Besoj se kjo procedurë do të përfshijë brenda orëve në vijim edhe Presidentin aktual që do të bëjë lirimin dhe kjo nuk do të jetë mendoj beteja e radhës. Por kemi menduar edhe mënyrën e zgjidhjes nëse larg qoftë na krijohet ndonjë ngërç me Presidentin”, tha Balla.

Në Kushtetutën e Republikës thuhet se Presidenti nuk mund të mbajë asnjë detyrë tjetër publike. “Presidenti i Republikës nuk mund të mbajë asnjë detyrë tjetër publike, nuk mund të jetë anëtar partie dhe as të kryejë veprimtari tjetër private”, thuhet në nenin 89 të Kushtetutës së Republikës. Ndërkohë, gradën gjeneralmajor mund ta mbajnë vetëm oficerët aktivë.

Rendit zhvillimet sipas orarit:
Ora 14:37
Meta firmos dekretimin e lirimit nga detyra të gjeneral Bajram Begës, i hapet rruga zgjedhjes së tij për president

 

Ilir Meta ka pranuar dorëheqjen e gjeneral major Bajram Begajt nga detyra e shefit të Shtabit të Përgjithshëm të Forcave të Armatosura, duke i hapur rrugë kështu zgjedhjes së tij si president.

M.Q./Shqiptarja.com

Ora 14:33
Zgjedhja e presidentit të ri, Meta lajmëron komunikim të jashtëzakonshëm nga Stambolli

1653925469_ilir.jpg

Presidenti Ilir Meta ka lajmëruar një komunikim të jashtëzakonshëm nga Stambolli, për çështjen e ngërçit për presidentin e ri të vendit. Kjo pasi pritet që kreu i shtetit të dekretojë lirimin nga detyra të Bajram Begajt, si shefi i Shtabit të Përgjithshëm.

M.Q./Shqiptarja.com

Ora 12:42
Bajram Begaj kandidat për president, Meta: Do respektoj çdo vendim të Kuvendit! Kam biseduar me Peleshin për dorëheqjen e gjeneralit

Zëdhënësi i presidentit Ilir Meta ka reaguar në lidhje me ngërçin që mund të krijohet në lidhje me kandidaturën e Bajram Begës për president të Republikës.

'Presidenti i Republikës, Ilir Meta është në ndjekje të procedurës për zgjedhjen e zotit Bajram Begaj si President i ri i Republikës dhe do të respektojë çdo vendim të Kuvendit të shprehur me votë. Lidhur me këtë çështje dhe specifikat e saj Presidenti Meta ka zhvilluar sot një bisedë telefonike me Ministrin e Mbrojtjes, Niko Peleshi.'- njofton presidenca.

M.Q./Shqiptarja.com

Ora 11:39
Ngërçi për zgjedhjen e Presidentit, Rama në takim me Ballën dhe Bushkën

1654335655_kryesia.jpg

Kryeministri Rama, kryetari i grupit parlamentar socialist Taulant Balla si dhe kryetarja e Komisionit të Ligjeve Klotilda Bushka, janë aktualisht në një diskutim të tretë në Kryesinë e Kuvendit për të diskutuar mbi mënyrën se si do të procedohet më tej, për të zgjidhur ngërçin e krijuar për shkak se Presidenti Meta është jashtë vendit dhe duhet firmosur lirimi nga detyra e Bajram Begajt para se të votohet.

K.T./Shqiptarja.com