Lobimi rus/ Balla: Berisha në listëpagesat e Rusisë, do i publikojmë faktet! Ish-kryeministri: Dokrra

Kreu i Grupit të PS, Taulant Balla akuzon ish-kryeministrin Sali Berisha se fshihet pas pagesës 500 mijë dollarëve të dhëna nga Rusia për Partinë Demokratike. Nga Kuvendi, Balla tha se Berisha është futur në listëpagesën e Rusisë, ndërsa pralajmëroi publikimin e fakteve që vërtetojnë akuzat e mazhorancës. 

Balla tha se Lulzim Basha i ka marrë rublat ruse për llogari të Berishës, ndërsa akuzon këtë të fundit se lidhet personalisht me lobimin rus. Me ironi, Balla i tha Berishës se bashkë me Bashën të shkojnë tek emisioni 'Përputhen' dhe të ndajnë kush e ka fajin. 

“Sali ke harruar rublat këtu, hajde merri! S’ke thënë asnjë fjalë për sulmin kibernetik, duhet të flasësh për këtë! Natyrshëm PD zyrtare ka bërë disa deklarime këtu dhe natyrshëm ish presidenti, ish komandant i forcave të armatosura të dënonte sulmin kibernetik të Iranit. Sot Irani është aleat me Putin. Në ditët në vijim do bëjmë publike fakte se si lidhesh ti personalisht, aspak e rastësisht që vota jote në 2011 në 25 janar 2011 është dhënë pro një rezolute të sponsorizuar nga Putin. Je informuar që në 2008 për atë rezolutë. Ti e dije që po planifikohej një baltë e madhe kundër Shqipërisë dhe UÇK, asnjë reagim nga ty nga MM apo Ministria e Jashtme, madje me porosinë tënde është votuar pro rezolutës. I ka bërë shqiptarët në sytë e evropianëve vrasës dhe trafikant organesh njerëzve. Ti ke hyrë në listëpagesat e kremlinit Sali! Do dalin faktet Sali! Listpagesat janë marrë nga Luli, por për llogari të Saliut, ndajeni të përputhen se kush e ka fajin. Se është njoftuar para 15 prillit të 2008. Para një momenti të rëndësishëm bënë një zhurmë të madhe. Në 15 mars të 2008 ndodhte Gërdeci”, tha Balla.

LEXO EDHE:
Spahiu: Komike, Erion Veliaj pyetet për 4 bileta në 2011, Berisha nuk pyetet as për 4 të vrarë në 2011 gjithashtu

Berisha nuk i komentoi akuzat e Ballës se fshihet pas financimit rus, por i cilësoi si dokrra dhe nga Foltorja e Kuvendit bëri replikë duke bërë thirrje për protesta.

“Në doktrinë diktaturat janë teologjike dhe e tillë është ajo Iraniane. Unë kam dënuar me forcën më të madhe në këtë platformë dhe kudo, agresionin e saj ndaj Shqipërisë. Por në doktrinë diktaturat janë edhe ato narkotike. Unë kam dënuar me forcën më të madhe ndërhyrjen e saj në sistemet dixhitale të Shqipërisë dhe shkatërrimin e tyre. Në doktrinë regjimet njëpartiake janë diktatura dhe unë kam denoncuar me forcën më të madhe vendosjen e regjimit parti-shtet, parti e cila është e zier në drogë dhe krim.

Tani nuk mund të harxhoj kohë më shumë me dokrrat që shtrove këtu, por unë do të them dy gjëra. Nuk janë vetëm universitetet ato që janë në agoni. Biznesi i vogël është në agoni të vërtetë. Biznesi i mesëm është në arrati. Taksa që ju keni vendosur, 4-fishimi, 5-fishimi i energjisë. Taksa e re që keni parashikuar në 1 janar, 23% përbëjnë faktor shkatërrimtar për këtë biznes.

 Ndaj dhe e ftoj këtë biznes në një lëvizje të fuqishme kundër këtij regjimi dhe për përmbysjen e tij. Ftoj të gjitha profesionet e lira që njeriu i cili, firmos fap, fap, fap, e pam, pam, pam, mbush baulet me eurot e qytetarëve, kërkon ti largojë. Të bashkohemi në protestën e fuqishme e cila do ta bëjë të harrojë ato që ka thënë. E përmendi dje vettingun, sot u betua që nuk e kam thënë kurrë. Provoje po deshe vettingun. Të sfidojnë ata të sfidojmë dhe ne”, tha Berisha.

Mediat zbuluan pak kohë më parë një raport të Inteligjencës amerikane, sipas të cilit  Partia Demokratike kur drejtohej nga Lulzim Basha në vitin 2017, ka përfituar financim 500 mijë dollarë nga Rusia.

TAG:
• lobimi rus per pd
• taulant balla
• sali berisha
• lulzim basha

Sondazhi i ditës:

Si ka qenë për ju viti 2024?

• I mirë

  44%

• I keq

  22.7%

• As i mirë as i keq

  33.2%

Vota total: 1499

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq