POP 5

Lajmet më të lexuara të 5 minutave të fundit

Politikë

Balla-Berishës:Në helikopter me
Fekën në 2012,u ulët në Lazarat

Deputeti socialist Taulant Balla tha se ka prova që ish-kryeministri Sali Berisha ka udhëtuar në helikopter me Sokol Fekën drejt Gjirokastrës, më 24 mars të vitit 2012, kohë kur Berisha ishte kryeministër. Gjatë debateve në Kuvend, në përgjigje të akuzave të ish-kryeministrit për Forcat e Armatosura, deputeti socialist tha se majori Sokol Feka është bërë pjesë e FA në kohën kur Berisha ishte President. Majori Sokol Feka pilotonte helikopterin që u rrëzua në Spanjë, ndërsa ishte i ngarkuar me 1 ton marijuanë.
Fjala e nënkryetarit të grupit parlamentar socialist, Taulant Balla‏
VIDEO ARKIVA - Lajmet e tjera për Fekën
Spanjë, bie helikopteri me drogë Hetim lëvizjet e pilotit shqiptar
Balla-Berishës:Në helikopter me<br />Fekën në 2012,u ulët në Lazarat
TIRANE - Ndërsa opozita e ka kthyer në objekt sulmi kundër qeverisë trafikun e drogës të majorit që humbi jetën në Spanjë, deputeti socialist Taulant Balla tha se ka prova që ish-kryeministri Berisha ka udhëtuar në helikopter me Sokol Fekën. Gjatë kësaj seance plenare të Kuvendit, Balla tha më 24 mars të vitit 2012, kohë kur Berisha ishte kryeministër, ka qenë në të njëjtin helikopter me Fekën në një udhëtim drejt Gjirokastrës.
 
“Besoj se të gjithë qytetarët dhe deputetët e dëgjuan sulmin e pa principë të zotërisë parafolës kundër Ministres së Mbrojtjes. Unë kam këtu një procesverbal të Forcave të Armatosura, datë 24 ora 09.07 minuta, Baza e Gjirokastrës, fluturim Tiranë – Gjirokastër, pilot Sokol Feka, në bordin e helikopterit kryeministri Berisha plus një oficer shoqërimi i kryeministrit. Ti që akuzon Ministren e Mbrojtjes, ç’punë ke pasur të fluturosh me zotin Feka në 24 mars 2012! Sa të bukur e paske pasur edhe fluturimin, nga Tiranë në Gjirokastër, afër Lazaratit. Mos je ulur në Lazarat? Përpara se të akuzosh Ministren e Mbrojtjes për gjëra të paqena, pse nuk jep përgjigje nga 2005 deri në 2013 ky majori ka qenë 5 herë i dekoruar, meqë flasim për dekoratat, dhe 5 herë i dënuar nga gjykatat e këtij vendi për shkelje në Forcat e Armatosura. Pse nuk thirre ministrat e tut ë mbrojtjes, pse nuk e larguat zotërinë? Por sot çohesh dhe hedh bomba, se je marrë dorën bombave, kundra Ministres së Mbrojtjes, kundra Qeverisë me akuza të paqena. I vetmi njeri që nuk duhet të akuzojë fare Forcat e Armatosura je ti. Forcat e Armatosura janë dinjiteti i një kombi. Po qe se nuk e kuptuar për kaq vite, 8 vjet kryeministër, 5 vjet President Republike dhe pjesën tjetër kryetar i opozitës, mësoje sot. Nuk kemi asnjëri nga ne të drejtë, qoftë edhe një minutë të vetme të hedhim akuza shpifëse kundra Forcave të Armatosura”, tha Balla. Fjala e nënkryetarit të grupit parlamentar socialist, Taulant Balla‏
 
Balla tha se Sokol Feka është pranuar në radhët e Forcave të Armatosura në vitin 1996, kohë kur në krye të Forcave të Armatosura ishte Sali Berisha, si president i vendit.
 
“Sa për dekoratat, po ta kujtoj dhe njëherë të fundit përsëri mos e përmend rastin e Sokol Fekës. Sepse ky person është pranuar në Forcat e Armatosura në vitin 1996, kur komandant i Forcave të Armatosura të Shqipërisë ke qenë ti, President i Republikës, Komandant i Forcave të Armatosura.  Po mos ngri more më akuza se çdo akuzë që ngre ti, gjithmonë ty të kthehet mbi kokë”, tha Balla.
 
Ai akuzoi se në kohën e qeverisjes së djathtë nga 500 aplikantë për FA janë pranuar 450 duke i shkaktuar buxhetit një dëm prej 103 milionë lekë.
 
“Një element tjetër shumë i rëndësishëm.  Maj 2013, prag fushate, 450 aplikantë për rekrutim në Forcat e Armatosura nga 500 gjithsej, të shpallur fitues nga këta. Por gënjyer ama, premtuar vend pune në ushtri në prag të fushatës elektorale vetëm e vetëm që këta 450 t’u jepnin votën. Dëmi, me urdhër të këtij, 103 mln lekë. Jepini fjalën që do i fusim në ushtri, po humbëm punë e madhe se s’do ti marrim, po fituam  s’do ti marrim prapë. Kjo është historia e marrëdhënies tuaj me Forcat e Armatosura”, tha Balla.

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Acarohen gjakrat te sheshi Uilson, policia shtyn protestuesit, tentohet shpërndarja! Përplasje me deputetet Ina Zhupa dhe Erisa Xhixho, shoqërohet një protestues

Acarohen gjakrat te sheshi Uilson, policia shtyn protestuesit, tentohet shpërndarja! Përplasje me deputetet Ina Zhupa dhe Erisa Xhixho, shoqërohet një protestues

23 Dhjetor, 18:16