Balla falenderon Kongresmenët Amerikanë për Rezolutën që denon sulmet kibernetike të Iranit në Shqipëri

Kryetari i Grupit Parlamentar të Partisë Socialiste Taulant Balla ka falenderuar bashkëkryetarët e Grupit Parlamentar për Shqipërinë në Dhomën e Përfaqësuesve të Kongresit Amerikan Ritchie Torres, Robert Aderholt, Jim Himes dhe Lisa Mc.Clain të cilët kanë depozituar një projekt-Rezolutë për dënimin e sulmeve kibernetike të ndërmarra nga Republika Islamike e Iranit kundër Shqipërisë.

Projekt-rezoluta e hartuar me nismën e ligjvënësit nga Nju Jorku Ritchie Torres kërkon vazhdimin e mbajtjes para përgjegjësisë për ata që organizuan sulmet si edhe bën thirrje për forcimin e mbrojtjes kibernetike të Shqipërisë.

‘Është thelbësore që të dënojmë sulmin e shumëfishtë kibernetik iranian ndaj Shqipërisë. Irani në mënyrë metodike u përpoq të minonte Shqipërinë kur ndërmori akte të rrezikshme kibernetike. Irani është një regjim i rrezikshëm që do të vazhdojë përpjekjet për të minuar dhe shkatërruar Shqipërinë nëse nuk frenohet”, deklaroi pak ditë më parë në një intervsitë ligjvënësi Torres në një deklaratë për Shqipërinë.

Lajmi kryesor:

Dorëzohet rezoluta në Kongresin amerikan për sulmet kibernetike ndaj Shqipërisë, Ministrja e Jashtme: Thelbësore që Irani të japë llogari

M.Q./Shqiptarja.com

TAG:
• kongresi amerikan
• Irani sulme kibernetike Shqipërisë
• olta xhaçka
• SHBA
• TIMS