Balla ‘flakë për flakë’ me Bashën për negociatat: E do Shqipërinë veç për mollë sherri e pushtet

Kryetari i Grupit Parlamentar të Partisë Socialiste, Taulant Balla ka reaguar pas bashkëbisedimit të kreut të PD-së Lulzim Bashës me gazetarët pas kthimit nga Berlini.

Nëpërmjet një postimi në rrjetin social facebook Balla deklaron se çfarë ka thënë e çfarë ka berë në Berlin, Lulëzim Basha, jo vetëm e dimë ne po e kupton çdo shqiptar i arsyeshëm.

Sipas Ballës mazhoranca do të duhet të përballet më tej jo thjesht me individë a grupe skeptike ndaj zgjerimit të BE, po edhe me baltën e eksportit “Made in Shqupi”, që Lulëzim Basha ka derdhur në veshët e tyre, me moton shpif shpif se diçka do mbetet!

LEXO EDHE:
Vrasja e policit në Fier, Balla nga Kuvendi: Na duhet një politikë e re penale, drejtësia të japë dënim ekzemplar

Se çfarë ka thënë e çfarë ka berë në Berlin, Lulëzim Basha, jo vetëm e dimë ne po e kupton çdo shqiptar i arsyeshëm. Për më tepër mjafton ta dëgjoje sot logorenë e tij, për të marrë vesh se sa shumë është lodhur kryetari i opozitës për të bërë avokatine e Shqipërisë. Sipas Lulëzimit, Shqipëria është narkoshtet, por BE-ja duhet t’i thotë “PO” Shqipërisë! Shqipëria është kokë e këmbë e zhytur në krim e në zullume, por BE-ja duhet t’i thotë miresevjen! Shqipëria ka një kryeministër të të gjitha të zezave, por BE-ja duhet të çelë negociatat me të! A ka njeri që nuk e kupton se kjo është thjeshtë loja e vjetër e Lulit, shaj e nxij vendin tënd dhe bëj sikur po i’a zbardh faqen?! Fatkeqësisht, ne do të duhet të përballemi më tej jo thjesht me individë a grupe skeptike ndaj zgjerimit të BE, po edhe me baltën e eksportit “Made in Shqupi”, që Lulëzim Basha ka derdhur në veshët e tyre, me moton shpif shpif se diçka do mbetet! Fatkeqësisht, ne nuk e kemi në krah opozitën në këtë proces kaq jetik për Shqipërinë e shqiptarët, sepse kjo opozitë Shqiperinë e do për mollë sherri për pushtet dhe shqiptarët i sheh vetëm si mish për topat e vet! Por fatmirësisht, me Lulin pa Lulin, Shqipëria i’a ka dalë dje me një arritje historike dhe do i’a dalë më tutje sfidës së madhe të europianizimit të saj!

Kryetari i Grupit Parlamentar të Partisë Socialiste, Taulant Balla

TAG:
• lulzim basha
• taulant balla
• reagimi per negociatat

Sondazhi i ditës:

Pronat shtetërore mund të shkëmbehen me private, si e vlerësoni ligjin?

• Të drejtë

  17.1%

• Të gabuar

  74.3%

• Nuk e di

  8.6%

Vota total: 35

Votat totale janë unike

• Sondazhi i ditës:

  Pronat shtetërore mund të shkëmbehen me private, si e vlerësoni ligjin?

  Të drejtë Të gabuar Nuk e di