POP 5

Lajmet më të lexuara të 5 minutave të fundit

Kronikë

Balla inspekton shembjen e rrugës në Papërr, apel banorëve:Ndaloni veprimet dëmtuese të argjinaturës

Kryetari i Grupit Parlamentar të Partisë Socialiste, Taulant Balla ka parë nga afër situatën e krijuar nga shembja e rrugës në Njësinë Administrative Papërr.
Balla inspekton shembjen e rrugës në Papërr, apel banorëve:Ndaloni veprimet dëmtuese të argjinaturës

Kryetari i Grupit Parlamentar të Partisë Socialiste, Taulant Balla ka parë nga afër situatën e krijuar nga shembja e rrugës në Njësinë Administrative Papërr. Situata e vështirë në këtë zonë është krijuar për shkak të reshjeve të mëdha që nxorën përroin nga shtrati dhe shkatërruan një pjesë të aksit rrugor, duke bërë të vështirë lëvizjen e banorëve të fshatrave Papërr Sollak dhe Pajun.

Balla gjatë inspektimit tha se do të kërkohet ndërhyrja e Emergjencave Civile dhe e Ushtrisë për normalizimin e situatës në këtë zonë, si dhe i bëri apel banorëve të mos presin pemët anës lumit.

“Situata është e vështirë për shkak të reshjeve të mëdha që nxorrën përroin nga shtrati dhe shkatërruan në fakt edhe një pjesë të aksionit rrugor. Ne do të kërkojmë ndërhyrjen e Emergjencave Civile dhe të Ushtrisë për të na ardhur në ndihmë. Duke marrë parasysh numrin e madh të familjeve që përfitojnë nga kjo rrugë ju garantoj që përmes ushtrisë të vazhdojmë investimin e nisur me pritat. Një bashkëpunim mes Emergjencave Civile, Forcave të ushtrisë, të cilët këtu e kanë dhënë provën sepse ndërtuan urën dhe këtë vit do të ndërtojmë dhe urën tjetër”, u shpreh Balla.
Balla i bëri apel banorëve që të mos presin pemët, pasi kjo është një nga arsyet kryesore të prishjes së rrugës.
“Ju lutem mos prisni pemët anës lumit, se një nga arsyet e prishjes se rrugës është se janë prerë pemët”, tha Balla. Sipas Ballës, shpëtimi i mëtejshëm i rrugës nga gërryerjet e përroit, do të bëhet i mundur vetëm me vazhdimin e investimit të nisur për ndërtimin e pritave dhe pyllëzimin e bregut.


 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Media franceze 'Quand Partir': Shqipëria shndërrohet në destinacionin evropian më trendi të momentit

Media franceze 'Quand Partir': Shqipëria shndërrohet në destinacionin evropian më trendi të momentit

27 Dhjetor, 08:37