Gjatë një takimi me banorëtnë Elbasan në kuadër të fushatës elektorale të 30 qershorit, kreu i Grupit Parlamentar i Partisë socialiste, Taulant Balla ka komentuar edhe vendimin e Kolegjit Zgjedhor për t'i hapur rrugën zgjedhjeve të 30 qershorit, duke thënë se ky vendim i dha fund dilemës së presidentit Meta.
Më pas Balla ka shtuar se zgjedhjet e 30 qershorit do të jenë një shtysë që reformat e rëndësishme të Shqipërisë të ecin përpara, po ashtu siç duhet të ecin përpara punët e çdo qyteti.
"Unë jam shumë i bindur që besimin që populli i Elbasanit do të japë në 30 Qershor do të shpërblehet sepse ne duam të punojmë e të çojmë përpara të gjitha angazhimet që kemi marrë. Sot është një ditë e rëndësishme në rrugën e 30 Qershorit. Ne nuk kishim asnjë dyshim që do të binte dekreti i Presidentit të Republikës. Presidenti të cilin e kam votuar edhe unë. Dhe nëse do të ktheheshim përsëri në të njëjtin kontekst politik do të bënim përsëri të njëjtën gjë sepse nuk kishim mundësi aso kohe të zgjidhnim një president tjetër. Ky ishte i vetmi që rrinte me ne dhe i qante hallin atyre që ishin në çadër. Ata i la 3 muaj i mori në qafë, na u desh ne t'i nxirrnim nga çadra. Kolegji Zgjedhor, i ka dhënë përgjigje përfundimtare kujtdo që mund të kishte ndonjë dilemë. Shumica e shqiptarëve nuk kishin asnjë dilemë se përpjekja e Ilir Metës ishte një përpjekje për të penguar çdo qytetar shqiptar të shprehet me votë. E kemi fituar këtë të drejtë në vitin 1990 teksa shqiptarët fituan pluralizmin politik, fituan të drejtën e votës së lirë, ndryshuan më pas sistemin dhe me anë të Kushtetutës u përcaktua e drejta e çdo qytetari për të zgjedhur. Një ditë të bukur zgjohet Ilir Meta dhe tha; zgjedhjet anulohen.Po kush ta dha ty këtë të drejtë? Sovranit nuk mund t'i heqësh të drejtën e votës", deklaroi Balla.
Ndërsa gjatë bashkëbisedimit me banorët Balla renditi disa nga investimet më të rëndësishme që janë bërë në Elbasan duke nisur me arsimin.
"Shkollat profesionale më të rëndësishme në vend, ndodhen në Elbasan, ato janë rikonstruktuar konform të gjitha normave ndërkohë që edhe një pjesë e mirë e shkollave të tjera janë tashmë institucione të denja arsimore. Po ashtu infrastruktura dhe një sërë investimesh të tjera janë kryer, apo janë në rrugë e sipër, punë e cila duhet të vazhdojë" u shpreh Balla.
Duke folur për rëndësinë që kanë zgjedhjet e 30 Qershorit, Balla tha se ato do të jenë një shtysë që reformat e rëndësishme të Shqipërisë të ecin përpara, po ashtu siç duhet të ecin përpara punët e çdo qyteti.
Për kandidatin Gledian Llatja, mbështetja e madhe qytetare do të thotë më shumë angazhim dhe detyrime ndaj çdo banori, për t'i shërbyer në 4 vitet e ardhshme.
Lajme të tjera
-
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10 -
Dita Kombëtare e Diasporës/ Ministri Balla: Duhet t'i garantojmë çdo fëmije me prindër shqiptarë që të mësojë shqipen
18 Dhjetor, 16:07 -
EKSKLUZIVE/ Qeveria në lëvizje për të ndihmuar këngëtaren Parashqevi Simaku! Balla kontakte me Konsullatën në Nju Jork për t'i siguruar pasaportë
18 Dhjetor, 14:33
-
Dita Ndërkombëtare e Emigrantëve, Balla: Mirënjohje shqiptarëve që 33 vjet më parë u nisën në kërkim të një jete më të mirë
18 Dhjetor, 12:51 -
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
Balla pret Presidentin e Institutit Italian për Kujdesin e Punëtorëve, në fokus të drejtat e punëmarrësve shqiptarë në Itali
6 Dhjetor, 14:23 -
Sfidat e procesit të zbatimit të rekomandimeve nga institucionet e pavarura, Balla: Zbatueshmëria është në rritje, të adresojmë problemet!
4 Dhjetor, 15:03 -
Berisha kërkoi 1 minutë heshtje për profesor Repishtin, Balla e 'shigjeton': Fyerje, vite më parë e akuzove si spiun të Sigurimit (VIDEO)
3 Dhjetor, 16:48 -
Balla takim me ish-kryeministrin grek Jorgos Papandreu, në fokus forcimi i bashkëpunimit dypalësh mes vendeve dhe dialogu politik
2 Dhjetor, 20:07 -
Monitoruesit e Këshillit të Europës në Tiranë, Spiropali: Dalja nga monitorimi, rezultat i reformave! Balla: Prioritet lufta kundër korrupsionit dhe krimit të organizuar
2 Dhjetor, 10:49 -
DEBATET/ Opozita vendos flamurin serb në Kuvend, Balla u kërkon ta heqin: Mos provokoni! Bardhi: Lërini patriotizmat, vidhni Shqipërinë
18 Nëntor, 18:48
