Çdo fije e lidhjes së krimit me policinë e shtetit do të pritet, teksa hetime për të tjerë informatorë të krimit me uniformë janë në vijim. Angazhimin e ka shprehur ministri i Brendshëm Taulant Balla, i pyetur nëse besimi i shqiptarëve te policia është lëkundur pasi SPAK së fundmi ka prangosur oficerë policie, që i shërbejnë grupeve kriminale.
“Procesi i vetëpastrimit në polici sapo ka filluar. Unë nuk jam këtu që të them se ia kam arritur qëllimit ta pastroj por po punoj çdo ditë. Këtë proces vetëpastrimi ta kryejmë në kohë sa më të shkurtër. Proces i vazhdueshëm Punonjës që tradhtojnë aksionet e policisë do të jenë në zhdukje të vazhdueshme. Fijet që i lidhin me grupet kriminale do të priten’. Kemi plot hetime të tjera në proces. Çdo lloj aksesi i një punonjësi policie do të pritet”.- tha Balla.
Para Kryeministrisë, ministri doli për t’i dhënë një lajm të mirë të gjithë atyre punonjësve të policisë që kanë probleme me strehimin. Qeveria ka miratuar vendimin për kredi me interes zero, ku do të përfitojnë 900 policë që kanë krijuar një familje të re dhe nuk e kanë një shtëpi. Ai tha se gjithë fasha prej 900 efektivësh policie, të evidentuar pa banesë, është parashikuar të ndihmohen me kredi pa interes brenda 3 vitesh.
“Kemi evidentuar dhe janë rreth 900 punonjës policie sot, që kanë problematika me strehimin, synimi është që brenda 4 muajve të mbetur të vitit 2023 të trajtojmë 100 familjet e para të punonjësve të policisë me banesa, gjatë vitit 2024 të trajtojmë 300 familje të tjera dhe gjatë vitit 2025 shpresojmë të përmbyllet e gjithë kjo fashë prej 900 familjesh punonjësish policie, që kanë nevojë t’u zgjidhet një prej halleve të tyre më madhore, sikurse është strehimi. Do të vazhdojmë ta kemi këtë si një prej objektivave tona themelore dhe besoj që përpara festave të fundvitit do të kem mundësinë që vizitoj disa prej punonjësve të PSH në banesat e tyre të reja”, tha Balla.
100 punonjësit e parë të Policisë së Shtetit që nuk kanë një banesë në pronësi, prej datës 15 shtator do të mund të nisin aplikimet për kredi me interes zero. Vendimi u mor në mbledhjen e sotme të qeverisë dhe u bë publik nga ministri i Brendshëm Taulant Balla.
“Dua të informoj e garantoj çdo punonjës të Policisë së Shtetit, i cili ka krijuar një familje të re, është brenda moshës deri në 40 vjeç, që pas pak ditësh pasi duhet të ngrihet dhe formati i aplikimit brenda e-Albania, deri në 15 shtator, menjëherë të aplikojnë të gjithë punonjësit e PSH që plotësojnë këto kritere që lidhen me moshën, me mospasjen e një banese tjetër në pronësi, etj.”, sqaroi ministri.
Një tjetër vendim i miratuar sot, u vjen në ndihmë punonjësve të Gardës së Republikës, që punojnë jashtë vendbanimit.
“Janë disa ndërhyrje që lidhen me përkujdesjen ndaj punonjësve të Gardës së Republikës, sikurse e kishim bërë më parë për punonjësit e Policisë së Shtetit dhe anëtarët e Forcave të Armatosura. Me vendimin e sotëm të qeverisë për gjithë punonjësit e Gardës së Republikës, që për shkak të detyrës detyrohen të jetojnë në një qytet tjetër, është domosdoshme që ne të sigurojmë mbulimin e qerasë, për këta punonjës që kryejnë këtë zhvendosje bashkë me familjen e tyre për shkak të detyrë”, deklaroi ministri Balla.
Çdo fije e lidhjes së krimit me Policinë e Shtetit do të pritet, teksa hetime për të tjerë informatorë të krimit me uniformë janë në vijim. Angazhimin e ka shprehur ministri i Brendshëm Taulant Balla, i pyetur nëse besimi i shqiptarëve te policia është lëkundur pasi SPAK së fundmi ka prangosur oficerë policie, që i shërbejnë grupeve kriminale.
“Procesi i vetëpastrimit në polici sapo ka filluar. Unë nuk jam këtu që të them se ia kam arritur qëllimit ta pastroj plotësoj por punoj çdo ditë. Këtë proces vetëpastrimi ta kryejmë në kohë sa më të shkurtër. Proces i vazhdueshëm Punonjës që tradhtojnë aksionet e policisë do të jenë në zhdukje të vazhdueshme. Fijet që i lidhin me grupet kriminale do të priten’. Kemi plot hetime të tjera në proces. Çdo lloj aksesi i një punonjësi policie do të pritet”.- tha Balla.
Ministri i Brendshëm Taulant Balla në një dalje për mediat u pyet në lidhje me rrjedhjen e të dhënave nga sistemi TIMS. Balla tha se nuk ka asnjë rrjedhje informacioni si dhe asnjë kallëzim në prokurori.
‘Shqipëria është sulmuar kibernetikisht, që nga vera e kaluar. Institucionet po marrin masat për mbrojtje. Asnjë shqetësim për rrjedhje të dhënash nga ky sistem. Asnjë rrjedhje informacioni. S’ka një kallëzim por të dhënat që ka AMP të vlerësohen edhe nga prokuroria nëse ka ndonjë element. Ky do të jetë një standard i ri.’- tha Balla.
Komente
Lajme të tjera
-
EKSKLUZIVE/ Qeveria në lëvizje për të ndihmuar këngëtaren Parashqevi Simaku! Balla kontakte me Konsullatën në Nju Jork për t'i siguruar pasaportë
18 Dhjetor, 14:33
-
Dita Ndërkombëtare e Emigrantëve, Balla: Mirënjohje shqiptarëve që 33 vjet më parë u nisën në kërkim të një jete më të mirë
18 Dhjetor, 12:51 -
Kryepolici Proda emëron 48 shefat e Komisariateve në 12 drejtoritë e qarqeve, asnjë grua! Lista me EMRAT dhe qytetet
18 Dhjetor, 08:51
-
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
'Rritje e pensioneve, nisur nga më të ultat', ministri Hoxha me ish-punonjës të policisë: Mbështetje për familjet e dëshmorëve
16 Dhjetor, 17:52 -
Takimi me ish-punonjës të Policisë, Rama: Po përgatitemi për rritjen e fondit të pensioneve! Ministri Hoxha: Mbështetje për familjet e dëshmorëve
16 Dhjetor, 17:52 -
Gara për 48 shefat e Komisariateve, 9 nga kandidatët ankimojnë rezultatin! Shqyrtimet nga Komisioni bëhen më 16-17 Dhjetor
13 Dhjetor, 15:47 -
Zbardhet lista për garën e shefave të 48 Komisariateve! 102 kandidatë morën më shumë se 70 pikë, 16 u skualifikuan dhe 23 u tërhoqën (RENDITJA)
11 Dhjetor, 17:51 -
Lufta kundër krimit dhe siguria e qytetarëve, kryepolici Proda pret ambasadorin e Arabisë Saudite: Forcim i mëtejshëm i bashkëpunimit!
10 Dhjetor, 15:47 -
Balla pret Presidentin e Institutit Italian për Kujdesin e Punëtorëve, në fokus të drejtat e punëmarrësve shqiptarë në Itali
6 Dhjetor, 14:23 -
Fier/ Kundërshtim policie, vjedhje dhe publikim i fotove intime, 3 të arrestuar dhe një në kërkim brenda pak orëve (EMRAT)
6 Dhjetor, 13:24 -
Tiranë/ Shantazh me 20 mijë euro për të mos i publikuar foto e video intime, arrestohen 3 persona! Mes tyre dhe një femër (EMRAT)
6 Dhjetor, 12:53
Rrit rrogat, ploteso kushtet e punes me mjete e pajisje pastaj kerko llogari se nje puntor llaçi pa 30 mije leke nuk te vjen ne pune kurse polici as i merr 20 mije dita.
PërgjigjuGjith policet e nje qyteti duhet te jen nga qytetet tjera.Nje polic nuk duhet te sherbej ne qytetin e vet.Vetem ne ket menyre evitohen lidhjet me kriminelet
PërgjigjuO minister perpara se te na besh demagogji me leket qe do na japesh ne te ardhmen,na jep njeher leket e ushqimit dhe te largesise nga banesa se nuk po i shohim me sy se jane arkat e shtetit bosh nga inceratoret dhe koncesionet.
Përgjigju