POP 5

Lajmet më të lexuara të 5 minutave të fundit

Politikë

Taulant Balla i tërheq vëmendjen policisë në Vlorë: Kontrolloni për kanabis, jo për riparimin e çative! Këtë vit nis vëzhgimi i territorit me dronët ‘Bayraktar’

Nga Vlora, ministri i Brendshëm Taulant Balla deklaroi se këtë vit synon të heq Shqipërinë nga halli e kultivimit të kanabis sativa. Ministri njoftoi se territori do të fotografohet edhe me dronët “Bayraktar”, ndërsa u kërkoi policëve kontroll për ndërtime pa leje në bregdet, jo tek rregullimet e çative të shtëpive.

Edhe pse shifrat e kultivimit të kanabisit për vitin 2023 në Vlorë ishin modeste dhe të pakrahasueshme me Shkodrën, Lezhën, Krujën apo Tropojën, nga qyteti bregdetar, ministri i Brendshëm Taulant Balla shpalosi qëllimin e sezonit veror, nxjerrjen nga lista e halleve dhe problemeve të këtij vendi.

“Në vitin 2023 i kemi dhënë një goditje të fortë kultivimit të bimëve narkotike. Por në këtë vit duhet që përfundimisht të heqim vendin nga halli i kultivimit të bimëve narkotike kanabis”, tha Balla.

Në një takim në Horë-Vranisht të Himarës, ku të pranishëm ishin kryetarët e bashkisë së qarkut Vlorë, drejtues të policisë e më gjerë, Balla foli për përdorim të dronëve në monitorim nga ajri, së bashku me Guardia di Finanza.

“Gjatë këtij viti dhe shumë shpejt do të nis monitorimi nga ajri edhe me dronët “Bayraktar” bashkë me Guardia di Finanza që do të intensifikoj kontrollet. Me qëllim jo vetëm kultivimin e bimëve narkotike, por edhe goditjen e ndërtimeve pa leje”, u shpreh Balla.

Balla kërkoi nga policët që të përqendrohen në dy pika të veçanta, ndërtimet pa leje në bregdet dhe malet me kanabis.

“Nuk do të merremi më me çatitë e fshatarëve, këto procedura janë lehtësuar për qytetarët por kontrolle të ndërtimeve pa leje në bregdet dhe për kanabis. SPZ-të nuk kanë më pse të merren me këtë punë, mjaft më me historitë e çative”, theksoi ministri.  

I pranishëm në takim ishte edhe prefekti Vangjel Tavo, pozicion i cili pas ndryshimeve ligjore të miratuara së fundmi ka marrë më shumë kompetenca, sidomos në drejtim të sigurisë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sonila: 04/05/2024 21:49

    Do I besh te gjitha ahahahaa

    Përgjigju
  • Gjin Bue Shpata: 04/05/2024 17:13

    Ore Kokmodh Librazhdi. Droni është për qëllime luftarake dhe jo kontroll territori. Po satelitet Albania 1 dhe 2 që ndodhen në qiell pse si përdorni?!

    Përgjigju
  • landi: 04/05/2024 16:55

    o zoti Minister ne vlore zbardhe vrasjet dhe grupet qe levizin larte e poshte se e ke policin te koruptu se i dine te gjitha dhe nuk veperjne dhe paguhen nga grupet kriminale keto shiko pa hashashi duan policat qe e lene dhe ndertimet mbyllen shpejt po maskarenjve si i behet vi kamera ne gjithe qytetin dhe semafore

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

10 kuriozitete rreth Krishtlindjes të zgjedhura nga National Geographic

10 kuriozitete rreth Krishtlindjes të zgjedhura nga National Geographic

25 Dhjetor, 07:58