POP 5

Lajmet më të lexuara të 5 minutave të fundit

Politikë

Balla takon zyrtarin britanik: Zero anije të vogla të nisura me emigrantë shqiptarë drejt Britanisë së Madhe për janarin e 2024

Ministri i Brendshëm Taulant Balla priti sot në një takim gjeneralin Stuart Skeates, Koordinator Special i Qeverisë së Mbretërisë së Bashkuar për Emigracionin e Paligjshëm. Ky takim u zhvillua në kuadër të takimeve të Komitetit të Përbashkët Mbikëqyrës për luftën kundër emigracionit të paligjshëm dhe fenomeneve të tjera kriminale

Balla takon zyrtarin britanik: Zero anije të vogla të nisura me emigrantë shqiptarë drejt Britanisë së Madhe për janarin e 2024

Foto nga takimi i Taulant Ballës me Stuart Skeates

Ministri i Brendshëm Taulant Balla priti sot në një takim gjeneralin Stuart Skeates, Koordinator Special i Qeverisë së Mbretërisë së Bashkuar për Emigracionin e Paligjshëm. Ky takim u zhvillua në kuadër të takimeve të Komitetit të Përbashkët Mbikëqyrës për luftën kundër emigracionit të paligjshëm dhe fenomeneve të tjera kriminale.

Në fjalën e tij ministri Balla theksoi se janë zero anije të vogla të nisura me emigrantë shqiptarë drejt Britanisë së Madhe për janarin 2024.

Në takimin me gjeneralin Stuart Skeates Balla ndau rezultatet e Task Forcës së Përbashkët, të cilat janë domethënëse.

Ka patur një ulje prej 93% të rasteve të emigrantëve shqiptarë krahasuar me vitin e kaluar.

"Shqipëria mbetet një partner i besueshëm në luftën e përbashkët kundër emigracionit të paligjshëm, krimit të organizuar dhe trafikut të narkotikëve”, nënvizoi Gjenerali britanik.

Takimi me dy zyrtarët e lartë britanikë u mbajt vetëm pak kohë pas vizitës zyrtare të ministrit Balla në Britaninë e Madhe, në nëntor 2023, gjatë së cilës u firmos Deklarata e Bashkëpunimit për Çështjet e Brendshme/Krimi i Organizuar dhe Krimet e Rënda mes Shqipërisë dhe Mbretërisë së Bashkuar.

Gjatë takimit Ministri theksoi se strukturat shqiptare kanë nevojë për mbështetje logjistike dhe pajisje nga pala britanike pasi nga përvoja rezulton se një mbështetje e tillë sjell rezultate maksimale.

Ministri Balla nënvizoi gjithashtu nevojën për të pasur vendimet e gjykatave britanike për shtetasit shqiptarë të dënuar atje dhe të kthyer në Shqipëri.

Në këtë takim u theksua gjithashtu se promovimi i migracionit të ligjshëm nëpërmjet lehtësimit të procedurave për bashkim familjar apo punësim sezonal mbeten mënyra më efikase për të luftuar emigracionin e paligjshëm.

Në tetorin e vitit të kaluar, Balla priti në Shqipëri James Cleverly, Sekretari i Shtetit të Mbretërisë së Bashkuar, me të cilin zhvilloi një vizitë në Rinas, për të parë nga afër instalimin e pajisjeve të dhuruara nga pala britanike në funksion të kontrollit të kufijve.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • nina: 12/06/2024 14:24

    ka nje force politike qe nxit emigracionin klandestin ne europe. Keta njerez kerkojne azil duke genjyer ne institucionet europiane. Shumica jane te qytetare te komunitetit rom, njerez hallexhinj dhe injorante, qe ngelen klandestine ne europe

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Assad rrezikon gjykimin për krime ndaj njerëzimit në Gjykatën Penale Ndërkombëtare

Assad rrezikon gjykimin për krime ndaj njerëzimit në Gjykatën Penale Ndërkombëtare

25 Dhjetor, 14:16