Balla viziton policin e plagosur në Vlorë: Autori të marrë dënim ekzemplar! Kush ngre dorën ndaj efektivëve, ngre dorën ndaj shtetit

 

Ministri i Brendshëm Taulant Balla ka vizituar policin e plagosur Redin Çaushaj, i cili mbeti i plagosur me thikë në Himarë, pasi u fut për të shuar një sherr. Balla tha se autori duhet të marrë një dënim ekzemplar pasi kushdo që ngre dorën mbi efektivët e policisë, ka ngritur dorën ndaj shtetit.

‘E ka kaluar rrezikun për jetën iu nënshtrua një operacioni që zgjati për disa orë që nga ora 1 e mëngjesit dhe deri në orën 8. Duhet të jetë e prerë kushdo që do të ngrejë dorë kundër një punonjësi policie të mos i bindet urdhrit të një punonjësi policie, reagimi ynë do të jetë shumë i fortë. I kërkoj publikisht që ky rast të hetohet publikisht ndaj personit që tentoi të godasë punonjësin e policisë të ketë një dënim ekzemplar. Kushdo që godet një punonjës policie ka goditur shtetin.’- tha Balla.

LEXO EDHE:
U bllokua në malin e Vunoit në Himarë, turisti gjerman shpëtohet pas 5 orëve kërkime

Efektivi 25-vjeçar, ishte jashtë shërbimit, por ndërhyri për të parandaluar një konflikt dhe u plagos nga Thodhori Mërkuri, i cili u arrestua nga policia.

Lajmi kryesor:

E rëndë në Himarë, polici jashtë shërbimit ndërhyn të ndajë sherrin, goditet me thikë në qafë! Arrestohet autori (EMRI)

M.Q./E.H/Shqiptarja.com

TAG:
• himare
• Vlore
• policia e vlorës
• redin caushaj
• thodhori merkuri
• pilur