Balliu: Projekti i 'Unazës së Re' është pa leje të vlefshme ndërtimore, Prokuroria të hetojë pa vonesa (VIDEO)

'Projekti korruptiv i "Unazës së Re" është pa leje të vlefshme ndërtimore.' kështu është shprehur ish deputeti i Partisë Demokratike, Klevis Balliu i cili me anë të një deklarate për mediat i ka kërkuar Prokurorisë në emër te PD që të nisë hetimet pa vonesë për këtë projekt që e konsiderojnë aferë të rëndë korruptive.

Sipas Balliut,  kompania “AVE CONSALTING”, në kundërshtim me ligjin, nuk ka drejtues teknik në fushën e gjeodezisë. Ish deputeti i PS shton se dokumentet provojnë se projekti teknik është jo i plotë. Atij i mungon studimi topografik, gjë që vërtetohet nga shkresa e Autoritetit Kombëtar të Rrugëve.

Më pas ai deklaroi se mungesa e këtij studimi sjell pasoja juridike në pavlefshmërinë e lejes së ndërtimit të projektit që kushton 20 milionë euro për 1 kilometër.

Në fund Balliu shtoi se Partia Demokratike do t’i dorëzojë Prokurorisë te gjitha dokumentet e nevojshme për të nxjerrë në dritë këtë aferë korruptive, ku sipas tij një grusht njerëzish duan të shtojnë pasuritë duke shkatërruar jetën e qindra familjeve.

Deklarata e Balliut:

Projekti korruptiv i Unazës së Re, që po shkatërron shtëpitë e  qindra familjeve për vjedhjen e disa milionë eurove dhe ndërtimin e  disa komplekseve me pallate në të njëjtin vend është pa një leje të vlefshme ndërtimore.

Që prej një viti, Partia Demokratike ka publikuar dokumenta dhe të dhëna që tregojnë se projekti i Unazës së Re u nis si një projekt për të vjedhur, duke shkelur disa nga rregullat kryesore për ndërtimin e një vepre të tillë.

Rol kyç në skemën e vjedhjes me projektin e Unazës së Re ka Agjencia e Rrugëve, e cila, në kundërshtim me ligjin e sponsorizimeve, ka pranuar si dhuratë një projekt të gatshëm mbi 1 milionë euro nga kompania AVE CONSULTING.

Dokumentat provojnë se projekti teknik eshte jo i plotë. Atij i mungon studimi topografik, gjë që vërtetohet nga shkresa e 16 Tetorit 2018 e Autoritetit Kombëtar të Rrugëve.

Një shkresë tjetër, e 11 Dhjetorit 2018 e Ministrisë së Infrastrukturës, tregon kompania “AVE CONSALTING” ,që ka sponsorizuar projektin, në kundërshtim me ligjin, nuk ka drejtues teknik në fushën e gjeodezise. Ky është një fakt shtesë për mungesën e studimit topografik, pa të cilin nuk mund të projektohen detajet e zbatimit të projektit.

Mungesa e këtij studimi sjell pasoja juridike në pavlefshmërinë e lejes së ndërtimit të projektit që kushton 20 milionë euro për 1 kilometër. Duke mos patur një studim të fazes së parë të projektit, shkaktohet edhe një dëm i madh ekonomik, pasi volumet e punës llogariten keq, aksi i rrugës zhvendoset sipas interesave korruptivë të momentit dhe rritet kostoja e punimeve.

Përveç anës teknike, që bën të pavlefshëm lejen e ndërtimit, në këtë çështje ka edhe një konflikt të pastër interesi të kompanisë që gjoja i ka falur qeverisë një projekt 1.2 milionë euro. Nga njëra anë, Ave consulting, që ka projektuar shkatërrimin e qindra shtëpive tek Unaza e Re, ka fituar tenderin per të permbyllur procedurat e legalizimit te objekteve informale.

Parti Demkoratike i kërkon Prokurorisë të hetojë pa vonesë këtë aferë të rëndë korruptive, duke mos e zvarritur atë siç po bën me rastin e DH Albania, për të cilën, akoma pas një viti nuk ka asgjë konkrete.

Partia Demokratike do t’i dorëzojë Prokurorisë te gjitha dukementat e nevojshme për të nxjerrë në dritë këtë aferë korruptive, ku një grusht njerëzish duan të shtojnë pasuritë duke shkatërruar jetën e qindra familjeve.

Një prokurori e pavarur, që nuk sakrifikon drejtësinë për t’ia hedhur vetingut, ka në dorë të kërkojë pezullimin e menjëhershëm të zbatimit të këtij projekti korruptiv dhe të pavlefshëm juridikisht tek Unaza e Re!

Kur shqiptarët t’i besojnë Partisë Demokratike qeverisjen e vendit, zyrtarët apo privatet e përfshirë në këtë aferë do të përgjigjen para ligjit. Me ligjin tonë të ri Antimafia dhe me programin tonë “Ndiq paranë”, ata do të paguajnë çdo dëm që i është shkaktuar shtetit shqiptar dhe banorëve të Unazës së Re nga projekti korruptiv  20 milion euro për 1 km.


/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tosi: 18/11/2019 18:14

    O ma hiqni këtë monstër, njeriu me i urryer i, planetit , Klevis Kerrici i Faros komandanti i shpellareve të Unazës në koshin e plehrave të shqipërisë.

    Përgjigju
  • Tirona: 18/11/2019 14:17

    Sa me shum del ne medja ti o debil, aq me posht bjen pd-ja.

    Përgjigju
  • Arbëri: 18/11/2019 12:11

    Shihe ti sigurisht se Shteti Shqiptarë nuk paskan marr leje nga rusia e ballimutit

    Përgjigju
  • Klevi: 18/11/2019 11:54

    Po mbylle ate hale ore idiot i lindur,nje deshtak qe e ben babai ordiner deputet,o Zot ku ka vajtur e keqja ne PD,halera si ky dhe Salianji po e cojne PD-ne drejt shkaterrimit te plote.

    Përgjigju
  • Sondazhi i ditës:

    Takimi i 7 mes dy qeverive Shqipëri-Kosovë dhe 16 marrëveshjet e nënshkruara i konsideroni:



×

Lajmi i fundit

John

Ndërroi jetë nga asfiksia e gazit, 50-vjeçarja ishte larguar nga banesa në Tiranë dy ditë më parë, i biri bëri kallëzim në polici