POP 5

Lajmet më të lexuara të 5 minutave të fundit

Sport

Ballkaniada/ Luiza Gega 'lahet në ar', dy medalje në dy ditë! Argjend për David Nikollin

Luiza Gega sërish kampione Ballkani për femra për të dytën ditë radhazi, këtë herë në garën e 5000 metrave, ndërsa David Nikolli në vend të dytë për meshkuj në garën e 3000 metrave.

Ballkaniada/ Luiza Gega 'lahet në ar', dy medalje në dy ditë! Argjend për David Nikollin

Luiza Gega dhe David Nikolli

TURQI - Luiza Gega sërish kampione Ballkani për femra për të dytën ditë radhazi, këtë herë në garën e 5000 metrave, ndërsa David Nikolli në vend të dytë për meshkuj në garën e 3000 metrave.

Në ditën e dytë të kampionatit të 77-të Ballkanik të atletikës që po mbahet nga datat 25-26 maj në Izmir të Turqisë, atletja Luiza Gega, pasi u shpall kampione Ballkani ditën e parë në garën 3000 metra me pengesa me kohën 9'26.40, sot, në ditë e dytë, fitoi një tjetër medalje ari në garën e 5000 metrave.

Duhet theksuar se nëse në garën e djeshme Luiza përfundoi 20 sekonda më shpejt se vendi i dytë, ndërsa gara e sotme pati një finish të fortë. Konkurrentja direkte e Gegës ishte Yasemin Can, kenianja e natyralizuar si turke, kampione në fuqi e Europës për 10000 metra.

Gara ishte shumë taktike dhe kampionia jonë e bëri diferencën në 400 metrat e fundit, duke e mbyllur garën e 5000 metrave me kohën 15'38.52. Kujtojmë që Luiza Gega është e vetmja atlete shqiptare pjesëmarrëse në Lojërat Olimpike të Parisit si e kualifikuar.

Përpara Olimpiadës, Gega do të marrë pjesë në Kampionatin Europian të Romës në qershor, ku do të tentojë të ruajë titullin kampione e Europës në 3000 metra me pengesa.

Lajmi i dytë i mirë vjen nga atleti shqiptar David Nikolli, i cili e mbylli garën e 3000 metrave me kohën 8'07.37, duke u renditur i dyti pas atletit austriak Sebastian Frey. Në këtë Kampionat Ballkanik, që ballkanik vetëm emrin ka, sepse pjesëmarrja e ekipeve shkon në 21, duke tejkaluar ndjeshëm rajonin dhe duke përfshirë edhe shtete të tjera si Austria, Izraeli, Qipro, Gjeorgjia, etj., ekipi shqiptar u përfaqësua me 8 atletë, 2 trajnerë dhe 1 fizioterapist.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • foni: 27/05/2024 02:19

    bravo,,luiza...

    Përgjigju
  • Frosino korce: 26/05/2024 22:48

    Bravo Luize n’a knaqe, po dhe Dhavidi bukur . Te vernir qe po u japin atletikes shqiptare .

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57