/ ATSH / - Ndotja në zonën e Ballshit në rrethin e  Fierit,  kërcënon çdo ditë e më tepër jetën e banorëve, ndërsa në rafinerinë e ARMO-s vijon të punohet me intensitet, duke qenë indiferentë ndaj shëndetit të popullatës.

E nëse kjo kompani vendos të mos flasë, po kaq të heshtur e të papërgjegjshëm kanë qëndruar institucionet përgjegjëse.

Vetëm Inspektoriati i Mjedisit ka reaguar duke thënë se do të marrin kampione të ujit të ndotur për të dalë në konkluzionin e tyre pas bërjes së analizës.

Ndotja shihet qartë, në ajër, në ujë, e kudo në ambientin natyror, kjo i bën banorët të revoltohen  e t'u drejtohen instancave përgjegjëse nga ku nuk martin përgjigje.