POP 5

Lajmet më të lexuara të 5 minutave të fundit

Kronikë

Banda, Tafili: Pine vrau Manin
se i ekzekutoi dajën, s’kam lidhje

Admir Tafili ka mohuar akuzat për porositjen e vrasjes së Ibrahim Manin nga burgu. Në seancën e radhës që po zhvillohet për grupin te Gjykata e Krimeve të Rënda në Tiranë, avokati i Tafilit ka deklaruar se Kristi Pine ka vepruar i vetëm për vrasjen e Manes në Shkodër.
 
Admir Tafilaj, njeriu që mban mbi supe dy dënime të përjetshme pretendon se është i pafajshëm për sa i përket akuzës së vrasjes së shtetasit Ibrahim Mani në Shkodër, dhe “Organizmit dhe drejtimit të grupit të strukturuar kriminal”. Nëpërmjet avokatit të tij, Tafilaj paraqiti dje para gjykatës së Krimeve të Rënda konkluzjonet përfundimtare, duke shtuar se ai nuk kishte asnjë lidhje me vrasjen në Shkodër.

Tafilaj pretendoi se akuza që i është ngritur bazohet vetëm në thënien kontradiktore të bashkëpuntorit të prokurorisë dhe se nuk ka asnjë motiv. “Më akuzojnë për vrasje, por nuk janë në gjëndje të provojnë se përse e kam kryer këtë vrasje, në një kohë kur kam qënë në burg”-pretendoi Tafilaj në konkluzjonet përfundimtare. Tafilaj i kujtoi trupit gjykues se vrasja e Manit është bërë nga vetë bashkëpuntori i drejtësisë Kristi Pine, pasi ky i fundit ka pasur motivin e hakmarjes. Sipas të dënuarit me burgim të përjetshëm vrasja e Manit është bërë për hakmarje, pasi Mani i ka vrarë dajën Kristi Pines gjatë vitit 1997. Tafilaj i kujtoi gjykatës se një dëshmi të tillë e ka dhënë dhe një nga dëshmitarët që është paraqitur në gjykatë.

Vrasja e Manit e porositë e tjera
“Për vrasjen e Ibrahim Manit në Shkodër nuk kisha motiv pse duhet ta kryeja. Tafilaj nuk ka pasur asnjë indicie dhe nuk ka siguruar asnjë mjet, armë për të kryer këtë krim. Vrasja e Ibrahim Manit është kryer me vullnetin e Kristi Pines për arsye se ai i ka vrarë dajën në 1997. Pine ka shkuar i vetëm në Shkodër dhe i vetëm ka vepruar në vrasjen e Ibrahim Manit”-thotë avokati në seancën për dhënien e konkluzjoneve përfundimtare.

Admir Tafili akuzohet për porositjen e vrasjes së Manit, tentativën e vrasjes së Leonard Muratajt në Durrës, vendosjen e tritolit të Edmond Çakmashit dhe krijim të grupit kriminal nga burgu. I dënuari përjetë, Admir Tafilaj, kërkoi pafajësi nga Gjykata e Krimeve të Rënda në procesin ku akuzohet si kreu i një grupi kriminal vrasjesh me pagesë.Prokuroria pretendon se Tafili ka urdhëruar nga qelia një vrasje, dy të tjera të mbetura në tentativë dhe është autor i përgatitjes së një vrasjeje, ngjarje të ndodhura në vitin 2014.Ndonëse nuk ishte i pranishëm në proces, ai mohoi akuzat përmes mbrojtësit të tij.

Pine, kam bashkëpunuar me prokurorinë
Kristi Pine, i penduar i drejtësisë në këtë gjykim, kërkoi që gjykata të mbajë parasysh në masën e dënimit bashkëpunimin e tij me prokurorinë për zbardhjen e krimeve të grupit.

Pafajësi kërkuan edhe shtatë të pandehurit e tjerë, ndërsa seanca u shty për dëgjimin e mbrojtjes së të pandehurit Alfred Qefalia. Në konkluzionet e saj përfundimtare Prokuroria për Krimet e Rënda kërkoi dënim me burgim të përjetshëm për Admir Tafilajn dhe një total 131 vjet burg për 9 të pandehurit e tjerë.
 
Prokuroria kërkoi në pretencë në Korrik 2017;
Për Admir Tafilin kërkohet burg për jetë
Për Kristi Pinen 10 vite burg
Për Dritan Peksanin 25 vite burg
Për Elson Merdanin 25 vite burg
Për Fatos Kokën 3 vite burg
Për Klajdi Shermandhi 5 vite burg
Për Alfred Qefaliajn 27 vite burg
 grupi admir tafili
Admir Tafilaj, akuzuar për:
– “Vrasje me paramendim”;
 
– “Vrasje me paramendim kryer në bashkëpunim mbetur në tentativë”;
 
– “Sigurimi i kushteve dhe mjeteve materiale per te kryer vrasje”;
 
– “Vetëgjyqësi”;
 
– “Krijimi i Grupit të strukturuar kriminal”;
 
– “Kryerja e veprave penale nga grupi i strukturuar kriminal”;
 
Pretenca: Të dënohet me burgim të përjetshëm.
 
Kristi Pine, akuzuar për:
 
– “Vrasje me paramendim”
 
– “Vrasje me paramendim kryer në bashkëpunim mbetur në tentativë”;
 
– “Sigurimi i kushteve dhe mjeteve materiale per te kryer vrasje”;
 
– “Sigurimi i kushteve dhe mjeteve materiale per te kryer vrasje”;
 
– “Prodhimi dhe mbajtjes pa lejë të armëve luftarake dhe municionit”;
 
– “Krijimi të Grupit të strukturuar kriminal”;
 
– “Kryerja e veprave penale nga grupi i strukturuar kriminal”;
 
Pretenca: Të dënohet me burgim të përjetshëm (për shkak të bashkëpunimit, në përfundim të dënohet me 10 vjet burgim).
 
Elson Merdani, akuzuar për:
 
– “Vrasje me paramendim”;
 
– “Sigurimi i kushteve dhe mjeteve materiale për të kryer vrasje”, dy herë;
 
– “Prodhimit dhe mbajtjes pa lejë të armëve luftarake dhe municionit”;
 
– “Krijimit të Grupit të strukturuar kriminal”;
 
– “Kryerja e veprave penale nga grupi i strukturuar kriminal”;
 
Pretenca: Të dënohet me 35 vjet burgim.
 
Dritan Peksani, akuzuar për:
 
– “Vrasje me paramendim”;
 
Pretenca: Të dënohet me 35 vjet burgim.
 
Alfred Qefalia, akuzuar për:
 
– “Vrasje me paramendim kryer në bashkëpunim mbetur në tentativë”;
 
– “Prodhim dhe mbajtjes pa lejë të armëve luftarake dhe municionit”;
 
Pretenca: Të dënohet me 27 vjet burgim.
 
Klajdi Shermadhi, akuzuar për:
 
– “Vrasje me paramendim kryer në bashkëpunim mbetur në tentativë”;
 
– “Prodhimit dhe mbajtjes pa lejë të armëve luftarake dhe municionit”;
 
Pretenca: Të dënohet me 21 vjet burgim.
 
Aleksandër Gora, akuzuar për:
 
– “Sigurimi i kushteve dhe mjeteve materiale per te kryer vrasje”;
 
– “Prodhimit dhe mbajtja pa leje e armëve luftarake dhe municionit”;
 
Pretenca: Të dënohet me 5 vjet burgim.
 
Fatos Koka, akuzuar për:
 
– “Sigurimi i kushteve dhe mjeteve materiale për të kryer vrasje”;
 
Pretenca: Të dënohet me 3 vjet burgim.
 
Albano Beqiraj, akuzuar për:
 
– “Sigurimi i kushteve dhe mjeteve materiale për të kryer vrasje”;
 
Pretenca: Të dënohet me 3 vjet burgim.
 
Dhimitër Zito, akuzuar për:
 
– “Moskallzimi i krimit”;
 
Pretenca: Të dënohet me 2 vjet burgim
 
Ndërkohë, për tre të pandehur të tjerë në këtë çështje, është veçuar gjykimi.
 

 dy.b/shqiptarja.com

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi