POP 5

Lajmet më të lexuara të 5 minutave të fundit

Kronikë

Shtëpitë muze në Gjirokastër drejt zhdukjes, banorët kërkojnë rehabilitimin

Drejt zhdukjes totale më shumë se gjysma e shtëpive muzeale në qytetin e Gjirokastrës.

Drejt zhdukjes totale më shumë se gjysma e shtëpive muzeale në qytetin e Gjirokastrës. Qyteti i gurtë bën 13 vite në listën e trashëgimisë botërore të UNESCO, por vëmendja për të është vetëm në ditë përkujtimore. Janë 57 banesa të kategorisë së parë, ndërkohë që 28 prej tyre tashmë janë të pabanueshme.

Dhjetëra banesa muzeale në Gjirokastër janë shembur, por edhe një pjesë e mirë e tyre pritet që të shkojnë drejtë rrënimit. Një vëzhgim i bërë nga specialistë të huaj dhe vendas janë konstatuar se qyteti i gurtë numëron rreth 600 objekte muzeale, por një pjesë e konsiderueshme është zhdukur nga harta e monumenteve.

Në Gjirokastër janë 57 banesa, të cilat janë cilësuar si të kategorisë së parë, por më shumë se gjysma prej tyre tashmë janë të rrënuara dhe të pabanueshme. Përfaqësues të këtyre shtëpive thonë se kanë kërkuar rehabilitimin e shtëpive të tyre në mënyrë që ato të bëhen të banueshme, por nuk kanë marrë një përgjigje, për pasojë shtëpitë janë shembur. Vasilika Mero, pronarja e  një prej shtëpive të rrënuara pohon:

Unë këtu kam 30 vjet dhe shtëpia sa vinte e rrënohej sado që e zinim ne, prap pikonte. S’kemi ca të bëjmë, tani ajo ra fare, desh më zuri dhe mua brenda, vajta dhe në bashki për ndihma, dhe na dhanë vetëm batanije, jo gjë tjetër.

Pronarja e shtëpisë, Vasilika Mero

Dy vite më parë qeveria shqiptare përmes Ministrisë së Kulturës, kishte një projekt për rehabilitimin e 22 banesave dhe “pagëzimit” të tyre me emrat e shkrimtarëve si banesat e Kabilatëve, Lolomanit, Farie-Duro e Musine Kokalari, monument kulture këto të kategorisë së parë.

Investimi i qeverisë shqiptare në pesë vitet e fundit kanë qenë gati në masën e mbi 2 milionë dollarëve, por këto para kanë shkuar vetëm në  rehabilitimin e Pazarit Karakteristik. Ndërkohë që këtë vit Gjirokastra bën 13 vite në listën e trashëgimisë botërore të UNESCO-s. Report Tv do të jetë edhe në ditën në vazhdim për të sjellë edhe shtëpi të tjera, të cilat janë shembur dhe nuk kanë marrë vëmendjen e shtetit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Vendimet e Qeverisë/ Vlerësohen me pension të posaçëm shtetëror 15 personalitete nga fusha e artit, kulturës, muzikës dhe sportit! Ja sa do marrin dhe EMRAT

Vendimet e Qeverisë/ Vlerësohen me pension të posaçëm shtetëror 15 personalitete nga fusha e artit, kulturës, muzikës dhe sportit! Ja sa do marrin dhe EMRAT

26 Dhjetor, 21:56