POP 5

Lajmet më të lexuara të 5 minutave të fundit

Politikë

Banesat në Himarë,PBDNJ: Shqipëria
pasoja negative në politikën e jashtme
‘Refuzuam Kolekën, u pushkatuan 40 burra”

Dega e PBDNJ në Himarë ka reaguar pas deklaratave të kryeministri Rama dje në Kuvend gjatë debatit me Dulen për shembjen e 19 banesave që preken nga shëtitorja e re që do të ndërtohet.
Banesat në Himarë,PBDNJ: Shqipëria<br />pasoja negative në politikën e jashtme<br />‘Refuzuam Kolekën, u pushkatuan 40 burra”
Dega e PBDNJ në Himarë ka reaguar pas deklaratave të kryeministri Rama dje në Kuvend gjatë debatit me Dulen për shembjen e 19 banesave që preken nga shëtitorja e re që do të ndërtohet.
 
PBDNJ e akuzon Ramën për dezinformim keqdashës kundrejt komunitetin helen dhe sipas tyre me pasoja negative në politikën e jashtme për vendin.
 
Sipas tyre, në veprimet e IKMT nuk janë zbatuar procedurat ligjore të parashikuara, duke sjellë në vëmendje disa raste në vitin 2012 dhe 2015 të shembjes së disa banesave, pronarët e të cilave sipas tyre kanë fituar gjyqet dhe qeveria nuk kishte parashikuar dëmshpërblimin.
 
Përsa i përket deklaratave për helenizimin e Himarës pas viteve ‘90, PBDNJ thekson se qëndrimi ka qenë i njëjta dhe në kohën e komunizmit, “kur Spiro Koleka humbi në 1945, qeveria e atëhershme vendosi të hakmerrej duke urdhëruar arrestimin e 40 burrave, të cilët u dënuan me pushkatim dhe burgim të përjetshëm, njëkohësisht në Janar të vitit 1946 duke mbyllur dhe shkollën Greke”.
 
PBDNJ mbyll deklaratën duke iu drejtuar Ramës “Himara as nuk është shitur dhe as nuk është blere, por as ka pranuar që identitetin Helen ta vendosi në tryezat e pazareve të politikave të jashtme gjatë gjithë historisë së saj”.
 
 
Deklarata e plotë e degës së PBDNJ në Himarë
Në mënyrë të përsëritur dje në seancën plenare konstatuam se disinformimi I opinionit publik është arma që përdor Z. Rama dhe jo Z. Dule. Ky është disinformim I qëllimshëm keqdashës kundrejt komunitetin Helen dhe me pasoja negative në politikën e jashtme për vendin.

1.            Dëgjuam se në të gjitha veprimet e IMKT zbatohen procedurat ligjore. Është e padrejtë. Sepse në vitin 2012 në rrëzimin e gjashtë objekte vetë familjes Duni dhe Stramarko në Dhërmi edhe pse dispononin leje ndërtimi dhe vërtetim hipotekor, u urdhërua shkatërrimi i objekteve në pronësi te tyre nga IKMT. Subjektet  e dëmtuara si për përmendur kanë fituar të gjitha proceset gjyqësore të cilat detyrojnë qeverinë ti dëmshpërblej, edhe pse qeveria nuk kishte parashikuar as edhe një lek për dëmshpërblim e tyre.

2.            Cilësoi se rikualifikimi i planit urban është në zbatim të plotë të zhvillimit të vendit dhe të turizmit,është e padrejtë. Sepse në shtator të vitit 2015 me justifikimin e rikualifikimit të planit urban të qendrës së qytetit të Himarës shkatërruan objektin e privatizuar nga shteti të 4 familjeve Beno duke mos respektuar legjislacionin përkatës, në një kohë që planifikimi urban i mëparshëm I cili ishte miratuar në 02/06/2012 nga kryetari aktual z. Goro, nuk kishte planifikuar asnjë ndërhyrje nga këto që ndodhin sot.
Theksojmë së për shkeljet e konstatuara në studimin urban të 2015 me shkresë Nr. 2600 është I informuar Z. Kryeministër.

Prej kryeministrit dëgjuam se Z. Dule përgatitë armiq kundra vendit dhe mbas viteve 90 ka filluar përpjekje për të Helenizuar Himarën.

I rikujtojmë Kryeministrit se komuniteti Helen I Himarës këtë qëndrim e ka mbajtur edhe në vitin 1945 ku kandidat për deputet I Partisë Komuniste të Shqipërisë ishte Spiro Koleka I cili nuk u mbështet me votën nga banorët e Himarës. Menjëherë qeveria e atëhershme vendosi të hakmerrej duke urdhëruar arrestimin e 40 burrave Himariot, të cilët u dënuan me pushkatim dhe burgim të përjetshëm, njëkohësisht në Janar të vitit 1946 duke mbyllur dhe shkollën Greke.

Të njëjtin qëndrim komuniteti Helen I Himarës mbajti edhe në vitin 1935 ndaj mbretit Zog I cili mbylli shkollat në gjuhën amtare dhe burgosi 4 persona. Mbas këmbënguljes së komunitetit Helen të Himarës dhe presionit ndërkombëtar e vendimit të gjyqit të Hagës në vitin 1936 u detyrua që të rihap shkollat me gjuhen amtare Greqisht.
Z. Kryeministër.

Përfundimisht ju rikujtojmë se Himara as nuk është shitur dhe as nuk është blere, por as ka pranuar që identitetin Helen ta vendosi në tryezat e pazareve të politikave të jashtme gjatë gjithë historisë së saj.

Ju bëjmë thirrje edhe njëherë të hiqet dorë nga spekulime të “patriotizmit diletant” të cilat nuk kanë asnjë qëllim tjetër përveç diskriminimit të komunitetit Helen të Himares dhe ti shërbehet interesave ekonomike të ndërtuesve për betonizimin përfundimtar të Himarës.
 
 
 dy.b/shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu