POP 5

Lajmet më të lexuara të 5 minutave të fundit

Bota

Banka Amerikane nis projektin për 'Dollarin Digjital'! Tregu i Bitcoin rrezikohet nga monedha e re shtetërore! Anët pozitive dhe negative të një bote pa para të thata

Banka Qendrore Amerikane ka njoftuar fillimin e një programi pilot 12-javor në partneritet me bankat më të mëdha tregtare në vend, për të testuar performancën në treg të një monedhe të re virtuale që do të njihej si ‘dollari digjital’ dhe do të kontrollohej plotësisht nga shteti.

‘Dollari digjital’, kështu do të quhej kriptomonedha më e re në treg, apo versioni digjital i valutës më të fuqishme në botë, dollarit amerikan. Rezerva Federale apo Banka Qendrore Amerikane njoftoi fillimin e një prrami pilot i cili do të zgjasë të paktën 12 javë, dhe në bashkëpunim me bankat kryesore tregtare në vend përfshi Mastercard, CBC madje edhe sistemin monetar global SWIFT, do të testojnë performancën e dollarit digjital, që përfshinë shkurtimin e kohës që nevojitet për të kryer transaksione mes institucioneve financiare apo edhe klientëve të zakonshëm.

Në thelb, edhe pse qeveritë në mbarë globin kanë kritikuar prej vitesh tregun e kriptomonedhave, me në krye Bitcoin, si forma abuzive të pastrimit të parave apo përfshirjes në aktivitete kriminale si pasojë e anonimitetit që ofrojnë, duket se rruga drejt digjitalizimit edhe për institucionet shtetërore është e pashmangshme.

Për Bitcoin, një monedhë që njihet për ulje ngritjet e saj të shpeshta dhe spekulimet e vazhdueshme, një monedhë më e sigurt dhe e mbështetur drejtpërdrejtë nga shteti si dollari digjital, do të ishte një konkurrent i fortë. Nga ana tjetër, ajo që në thelb përfaqëson ky vendim i Bankës Amerikane, është lëvizja drejt një bote pa para të thata.

Një bote ku çdo pagesë kryhet me anë të kartës apo telefonit celular, dhe pavarësisht të gjithë aspekteve komode të këtij sistemi, ai rrezikon të ketë edhe anët e tij të errëta, pasi një revolucion i tillë digjital nuk do të ndodhte për herë të parë në histori.

Kina është vendi ku tashmë qytetarët nuk përdorin më kartëmonedha për të blerë diçka, por kartat ose celularët e tyre. Pavarësisht se sistemet qeverisëse në Kinë ndryshojnë ndjeshëm nga ato perëndimore, sipas analistëve, ekziston rreziku, që një kontroll i plotë i parave nga shteti, mund të rezultojë në probleme me të drejtat dhe liritë themelore të njeriut.

S.C/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29