TIRANË - Banka e Shqipërisë është e pranishme sot në Komisionin e Ekonomisë dhe Financave për të dhënë opinionin e saj për projekt-buxhetin e vitit 2025. Zëvendës-guvernatorja Luljeta Minxhozi u shpreh në komision se Banka kërkon një rishikim të skemës së pensioneve, pasi përbën rrezik për financat publike për shkak se popullsia po plaket dhe ka emigruar fuqia punëtore.
'Kërkojmë rishikim të skemës së pensioneve, përbën rrezik për financat publike. Skema e pensioneve po sfidohet fort nga ndryshimet demografike, plakja e popullsisë dhe emigrimi i krahut të punës. Mbështesim qeverinë në një skemë të re në përputhje me skemat e BE-se. Skemën e pensioneve duhet t'a rishikojmë sepse bëhet rrezik potencial për ritmin e rritjes ekonomike.'
Po për skemën e pensioneve drejtori i Politikës Monetare në Bankën e Shqipërisë Erald Themeli theksoi se fillimisht duhet të analizohet informaliteti pasi është në parametra të larta.
“Ka një shkallë të lartë informaliteti sa i takon deklarimit të pagave. Në gjykimin tonë përpara se të eksplorohen parametrat e reja të sistemit të pensioneve do të ishte e udhës të kuptoheshin drejt përmasat e këtij informaliteti, në mënyrë që të mos devijojnë parametrat e skemës së re. Jemi nga të paktat vende që në momentin që qeveria rrit pagën minimale, ne na rritet edhe numri i punonjësve sepse bizneset kanë shumë punonjës me paga të larta dhe nuk i raportojnë”, u shpreh drejtori i Politikës Monetare në Bankën e Shqipërisë Erald Themeli.
Banka e Shqipërisë po analizon zhvlerësimin e monedhës evropiane për pasojat që mund të sjellë në ekonomi një zhvlerësim i mëtejshëm dhe me ritëm të shpejtë.
Zëvendësguvernatorja e parë Luljeta Minxhozi tha në Komisionin e Ekonomisë që po analizohet situata për të propozuar masa për të ndaluar rënien e shpejtë të euros.
“Banka e Shqipërisë bashkohet me shqetësimin e zhvlerësimit të euros, më shumë se për zhvlerësimin shqetësimi është për ritmin e zhvlerësimit pasi mund të shkaktojë dëme ekonomike. Ndërsa në afatgjatë ne jemi duke parë për të bërë analiza shumë të hollësishme se çfarë i sjellë ekonomisë shqiptare një zhvlerësim i shpejtë. Për ne është problem ritmi i shpejtë i zhvlerësimit, dhe ne po e analizojmë dhe të propozojmë një rrugë se si mund të ngadalësohet ritmi i rënies”, shprehet Minxhozi.
Prej vitit 2022, kur nisën të reflektohen luhatjet e para të kursit të këmbimit, e deri më sot monedha evropiane është zhvlerësuar fort përballë monedhës kombëtare lek. Nëse në janar të vitit 2022 euro këmbehej me 122 deri në 127 lekë, sot ajo po këmbehet me 98 lekë, me një zhvlerësim prej afro 30%.
Industria fason ka humbur 230 milionë euro deri në fund të muajit shtator krahasuar me vjet vetëm si rezultat i zhvlerësimit të kursit të këmbimit. Por banka e Shqipërisë thotë se këto biznese duhet ta kishin planifikuar në planet e tyre të biznesit rrezikun e kursit të këmbimit.
Zëvendësguvernatorja e parë Luljeta Minxhozi tha se është koha që këto subjekte të ndryshojnë modelin e tyre të të bërit biznes.
“Ato duhet ta konsiderojnë kursin e këmbimit si rrezik në planin e tyre të biznesit. Ne u kemi sugjeruar që të shikojnë drejt të ardhmes dhe të rishikojnë planet e tyre. Industria fason e ka nisur aktivitetin mbi krahun e lirë të punës, dhe rreziku nga mungesa e punësimi është më i madh se rreziku që ju vjen nga kursi i euros. Ato duhet të ndryshojnë modelin e biznesit”, tha Minxhozi.
Ndërsa drejtori Erald Themeli sqaroi se nëse Banka e Shqipërisë do të ndërhynte në kurs për ta stabilizuar në mënyrë që bizneset të fitonin më shumë, ekonomia do të dëmtohej pasi do të rriteshin interesat dhe inflacioni.
“Ne do të na duhej të kishim një normë bazë interesi në 10% nëse do të ndërhynim në kursin e këmbimit për ta stabilizuar atë që tu rrisnim fitimet bizneseve. Po ashtu po të ndërhynim në kurs do të kishim një inflacion 2 shifror ende dhe shumë larg objektivit tonë. Zhvlerësimi ka ndikuar në rënien e borxhit, ka ulur çmimet e importit, bizneset kanë përfituar terma më të mira financimi pasi interesat kanë qenë të qëndrueshme”, tha Themeli.
Gjatë këtij 9 mujori biznesi fason ka shitur jashtë vendit 170 milionë euro më pak se vjet, dhe ka importuar nga jashtë 60 milionë euro më pak se në 2023.
Komente
Lajme të tjera
-
Dorian Teliti sulmon kryebashkiakun e PD, Fisnik Qosja: Kavaja, një qytet i vdekur
18 Dhjetor, 10:02 -
Veto Surroi: Dhjetori i demokracisë dhe një shenjë normaliteti
18 Dhjetor, 09:52
-
U përfshi në aksident, mjeku nuk u mbijeton dot plagëve! Humb jetën te Trauma
18 Dhjetor, 09:35 -
Protestoi te ‘Infrastruktura’ se nuk i jepnin fondin e rindërtimit, 62-vjeçares i premtohet zgjidhje pas denoncimit në Report Tv! Natën e kaloi para Ministrisë
18 Dhjetor, 08:50 -
Fshihet emri Air Albania nga stadiumi në Tiranë, arena e Kombëtares është gati për emrin e ri
17 Dhjetor, 19:39 -
Nuk merr fondin për dëmtimin e shtëpisë nga tërmeti, gruaja në grevë urie para Ministrisë së Infrastrukturës: Balluku të më japë zgjidhje ose të marrë dhuratë vetëflijimin tim
17 Dhjetor, 18:45 -
Lëkundje tërmeti në Shqipëri, epiqendra në Burrel
17 Dhjetor, 18:05 -
Nga Kopshti Botanik te transformimi i akuadromit, Veliaj prezanton disa nga projektet: Numri i shkollave do shkojë në 50
17 Dhjetor, 17:28 -
Tiranë/ Për herë të parë konferenca e solidaritetit islamik! Veliaj: Sporti mundësia më e mirë për të bashkuar njerëzit
17 Dhjetor, 17:17 -
Tiranë/ Aksident i trefishtë në Sauk, një i plagosur! Report Tv siguron foto dhe VIDEO nga vendngjarja
17 Dhjetor, 17:09 -
Seanca për mbarimin e mandatit të kryetares së Gjykatës Kushtetuese, Holta Zaçaj shtyhet për 23 dhjetor
17 Dhjetor, 16:18 -
"Martini u vra për herë të dytë, askush nuk merr përgjegjësi!' Prindërit e 14-vjeçarit letër ambasadës së SHBA e institucioneve shqiptare
17 Dhjetor, 14:15
Është e zgjidhur .... Kush s'ka paguar sigurime në vitet që duhen ,,,s'ka çfar mutin të marrë... Hiç kontribute dhanë një HIÇ të madh të marrin ..dhe s'ka asnjë rrezik..... POR piramida Ridvan sejko do me kthy për hatër të shefi tmodh që tha pension për të gjithë, dhe ISSH në piramidë votash....kaq e thjeshtë...
PërgjigjuPtu..hajdut te shqiperise. Te gjith ju bordi bankes duhet te dorhiqeni pa skandalit te mikrokredive Hajduta
Përgjigju