POP 5

Lajmet më të lexuara të 5 minutave të fundit

Ekonomi

Banka e Shqipërisë: Vendi mund të përballet me valë inflacioni! Shkak konfliktet rajonale dhe mungesa e punëtorëve

Vendi mund të përballet me një tjetër valë inflacioni, për shkak të konflikteve rajonale, pasigurisë në çmimin e naftës e karburantit si dhe prej mungesës së punonjësve. Ky është vlerësimi i bërë së fundmi nga Banka e Shqipërisë, e cila parashikon që inflacioni të zbresë në 3% këtë vit, dhe se në rast nevoje do rrisin normën bazë të interesit.

Konfliktet rajonale por edhe mungesa e fuqisë punëtore, e cila po shtyn bizneset të rrisin pagat për të mbajtur punonjësit po shtojnë rrezikun e një raundi tjetër inflacioni të lartë.

Në raportin e parë të Politikës Monetare për këtë vit, Banka e Shqipërisë thotë pavarësisht se trendi i inflacionit është në rënie, rreziqet kundrejt tij po rriten.

“Presionet e reja për rritje të çmimeve të naftës dhe të ushqimeve në prani të konflikteve rajonale prezantojnë rreziqe të reja për një inflacion global më të lartë, por edhe për lindjen e efekteve të raundit të dytë në formën e rritjes së pritjeve inflacioniste. Paralelisht me to, presionet nga tregu i brendshëm i punës mund të rezultojnë më të forta dhe më të qëndrueshme, duke shtyrë për lart trajektoren e parashikuar të inflacionit”, thuhet në raportin e Bankës së Shqipërisë.

Ekspertët e bankës vlerësojnë se inflacioni do të kthehet në objektiv në gjashtëmujorin e dytë të këtij viti, duke u bazuar në pritshmëritë për ngadalësim të kërkesës për mallra dhe normalizim të situatës në tregun e punës.

Përpos këtij parashikimi Banka shpreh gatishmërinë për të rritur normën bazë të interesit, nëse inflacioni nuk është në linjë me pritjet e tyre për të rënë në 3%.

Nga ana tjetër ngadalësimi i ekonomisë së Eurozonës, shtrëngimi i kushteve të financimit dhe mungesat në tregun e punës do të ndikojnë në rritjen ekonomike të Shqipërisë, që sipas bankës do të jetë më e ulët se në vitin e kaluar.

B.K/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58