Kreditë që janë më shumë se tre muaj vonesë në banka shënuan një rënie të lehtë në mars, në raport me totalin e kredive. Sipas të dhënave të publikuara nga Banka e Shqipërisë, ky tregues arriti në 11.38%, nga 11.41%, që ishte muajin e mëparshëm.
Kjo është hera e parë që ky tregues vjen në ulje këtë vit, pas rritjes për dy muaj radhazi në janar e në shkurt. Megjithatë, ky tregues mbete rreth 0.3 pikë përqindje më i lartë në raport me fundin e 2018-n, kur huatë me problem zbritën në nivelin më të ulët që nga 2011, në 11.08%.
Megjithatë, rënia e treguesit ka ardhur më shumë si rrjedhojë e rritjes së kredisë totale të dhënë nga bankat, që u gjallërua ndjeshëm në mars, sesa nga rënia e huave të pakthyera në afat. Në vlerë absolute, kredia me më shumë se tre muaj vonesë ishte 62 miliardë lekë, ose rreth 500 milionë euro, me një rritje prej 0.8% në raport me muajin e mëparshëm. Në krahasim me fundin e 2018-s, huatë me probleme në vlerë absolute janë rritur me 5.5%.
Në raport me shtatorin 2014, kur kreditë e pakthyera në afat arritën në një të katërtën e totalit (rreth 25%), treguesi ka rënë ndjeshëm, i ndikuar nga ristrukturimi i huave, por dhe fshirja e tyre nga bilancet.
Që nga viti 2015 deri në fund të 2018-ës bankat kanë fshirë nga bilancet 46 për qind të kredive të këqija ose 55 miliardë lekë (440 milionë euro).
Sipas kontributit, në rënien e kredive me probleme kanë ndikuar shlyerjet (për gati 17.6 miliardë lekë), fshirjet e kredive të humbura (për gati 4.5 miliardë lekë) dhe ristrukturimet. Që prej fillimit të vitit 2015, vlerësohet se bankat kanë larguar nga bilancet e tyre gati 55.5 miliardë lekë kredi të humbura.
Në fund të vitit 2018, kreditë me probleme zbritën në 11.08% të totalit. Në vlerë absolute, kreditë që kanë më shumë se 3 muaj që nuk kthehen në banka ishin 59 miliardë lekë fund të 2018-s. Pa fshirjen, niveli i tyre do ishte 114 miliardë lekë, ose 21.4% e stokut total të huasë në dhjetor 2018.
Lajme të tjera
-
Transfertat kombëtare në euro u rritën me 33% për 10-mujorin e këtij viti
22 Nëntor, 14:54 -
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Vrojtimi i Bankës së Shqipërisë/ 37% e bizneseve kanë një borxh për të shlyer! Të vegjlit marrin hua për shpenzime të papritura, të mëdhenjt 'zhyten' për investime
19 Nëntor, 22:34
-
Këshilli Europian i Pagesave shqyrton aplikimin e Shqipërisë në SEPA
16 Nëntor, 12:09 -
Zhvlerësimi i euros, BSH: Po bëjmë analiza për të ndërhyrë për të ndaluar rënien e shpejtë
15 Nëntor, 11:10 -
Banka e Shqipërisë kërkon rishikim të skemës së pensioneve, rrezik për financat publike! Zv/ Guvernatorja ep opinionin për pr/buxhetin 2025 tek 'Ekonomia'
15 Nëntor, 10:04 -
Vrojtimi i Bankës së Shqipërisë: 24% e familjeve shqiptare jetojnë me borxhe! Pjesa më e madhe për konsum e shëndetësi, 20% blejnë ‘ushqime me listë’
14 Nëntor, 18:48
-
Dollari fiton terren përballë lekut, rritet me 3% brenda këtij muaji! Euro vijon të zhvlerësohet pa ndalur
14 Nëntor, 14:21 -
Norma bazë e interesit u ul, BSH: Kreditë do jenë më të lira
12 Nëntor, 17:14
