POP 5

Lajmet më të lexuara të 5 minutave të fundit

Ekonomi

Bankat, shtohen interesat
për kreditë me lekë

Kreditë në lekë kushtojn më shumë aktualish tpo t’i marrësh me afat shlyerjeje deri në gjashtë muaj, krahasuar me 4 vitet e fundit dhe më pak për afate mbi 5 vjet. Bankat kërkojnë më shumë interes për dollarin dhe euron afatgjatë
Bankat, shtohen interesat<br />për kreditë me lekë
TIRANE- Kreditë që merren me dollarë amerikanë në Shqipëri për një afat deri në gjashtë muaj ofrojnë aktualisht normën më të ulët të interesit. Kjo del nga statistikat e Bankës së Shqipërisë, e cila ka bërë krahasimin e interesave mesatare të kreditimit, duke i krahasuar me vitet 2009, 2010, 2011 dhe tre muajt e parë të 2012-ës. Në muajin mars kredia afatshkurtër me USD jepej me 4.31% interes, ndërkohë që në euro kjo shifër ishte 7.26 për qind, raporton BSH. Por, kredia në monedhën kombëtare vijon të jetë më e kushtueshmja. Edhe në afat të shkurtër, interesi mbetet 12.68 për qind në vit në mars, ndërkohë që një muaj më parë, në shkurt të po këtij viti, shifra ishte shumë më e ulët: 9.91%. Rekordin e interesit kredia në lekë e arrin për afate shlyerjeje 1-3 vjeçare, me 14.21 për qind. Kjo, me sa duket, është kërkesa më e madhe aktualisht, që përfaqëson nevojat në rritje të bizneseve për kredi afatmesme, në kushtet e mungesës së likuiditetit. Megjithatë, në vitin 2009 kredia në lekë kishte një interes mesatar vjetor në masën 15.75% për afatet 1-3 vjet. Në të gjitha afatet, me përjashtim të kredisë afatshkurtër, kredia në lekë ka rënie të interesit.
Kredia në euro shfaq lëvizje të çrregullta të interesit. Interesi për kredi mbi pesë vjet është gati njësoj sa në 2009-ën, ndërkohë që kredia 3-5 vjet në monedhën evropiane ka rritje interesi, më të lartën e katër viteve të fundit. Ne afatet e tjera, interesat paraqiten kryesisht në rënie.
Edhe në rastin e dollarit, lëvizja është kaotike. Kredia jepet me interes shumë më të ulët se më parë, me 4.31 për qind për kredi gjashtëmujore, ndërkohë që kërcen në 10 për qind për kreditime mbi 5-vjeçare, duke shënuar edhe një nivel mjaft më të lartë se gjatë gjithë periudhës nga viti 2009 e këtej.
(sg/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57