Bankers financon ndërtimin e rrugës së Zharrëzit

Banorët e fshatit Zharrëz në Bashkinë Patos së shpejti do të kenë infrastrukturë moderne. Rruga e re që lidh fshatrat Sheqishtë dhe Fshati i Ri do të ndërtohet për të lehtësuar jetën e përditshme të më shumë se 1000 familjeve. Projekti financohet nga kompania prodhuese e naftës, Bankers Petroleum Albania si pjesë e programit të saj për investimet komunitare.

“Jam shumë i lumtur që sot përurojmë një tjetër projekt të rëndësishëm për banorët e Zharrezës. Rikonstruksioni i kësaj rruge ka qenë një kërkesë e vazhdueshme e banorëve por edhe e Bashkisë Patos dhe për këtë arsye vendosëm të financojmë 100 mijë dollarë për këtë projekt të rëndësishëm.

Në vite Bankers ka treguar se ne jemi këtu jo vetëm për operacionet hidrokarbure, por së pari për njerëzit e kësaj zone dhe të Shqipërisë në përgjithësi. Shumë nga rrugët, shkollat, klinikat shëndetësore këtu në Patos janë financuar nga ne dhe jemi shumë krenarë që kemi përmirësuar jetën e këtyre njerëzve. Mund të konfirmoj se do të vazhdojmë ta bëjmë këtë edhe në të ardhmen, sepse Bankers e konsideron veten pjesë të këtij komuniteti dhe të këtij vendi dhe gjithashtu partner të Shqipërisë”, tha Drejtori i Përgjithshëm i Bankers,  Huanqin Xiao.

Investimi pritet të realizohet brenda 4 muajve dhe do i shërbejë komunitetit dhe si rrugë lidhëse e fshatit Zharrez me varrezat.

Ky projekt është investim i përbashkët ndërmjet “Bankers” dhe Bashkisë Patos, kosto totale llogaritet rreth 300 mijë dollarë.

Bankers Petroleum Albania ka investuar më shumë se 7.5 milion dollarë në projekte në komunitet ndër vite duke u fokusuar në infrastrukturë, shkolla dhe kopshte, klinika shëndetësore dhe mbjelljen e pemëve.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?



×

Lajmi i fundit

Studio Live/ Beleri foli për nënën Greqi të Himarës, Anri Bala: Takimi Rama-Mitsotakis tregoi se është kapitull i mbyllur! Kikia: Ishte i mllefosur

Studio Live/ Beleri foli për nënën Greqi të Himarës, Anri Bala: Takimi Rama-Mitsotakis tregoi se është kapitull i mbyllur! Kikia: Ishte i mllefosur