POP 5

Lajmet më të lexuara të 5 minutave të fundit

Arkiva

Banorët nuk janë dakord me
vlerësimin e dëmshpërblimit

Pronarët e objekteve që preken nga zbatimi i projektit të Bulevardit të ri kanë protestuar ditët e fundit, madje edhe në prani të kryebashkiakut Lulzim Basha...
TIRANE - Pronarët e objekteve që preken nga zbatimi i projektit të Bulevardit të ri kanë protestuar ditët e fundit, madje edhe në prani të kryebashkiakut Lulzim Basha, që bëri përurimin e punimeve, kundër vlerësimit të dëmit, që bëhet nga ana vendimi për shpronësimin. Banorët thanë se shtëpitë e tyre, të cilat do të prishen, janë vlerësuar me çmime qesharake dhe jo me vlerën reale të tregut. Sipas VKM, njerë prej të fundit të qeverisë “Berisha”, për prishjen e 204 objekteve, pronarët do të kompensohen me shifrën e rreth 12.5 milionë eurove.

“Nuk do të lejojmë që qeveria e Bashkia të tallen me ne. Ata kanë bërë vlerësimin me komision të posaçëm dhe direkt i kemi takuar. 15 ditë para fushatës elektorale (në vitin 2011), kemi takuar Lulzim Bashën dhe na premtoi se do të na dëmshpërblejnë me vlerën reale të tregut, por kjo nuk pasqyrohet tek vendimi që firmosi Sali Berisha në ikje”, thanë ata për median. “Është vlerësuar 263 mijë lekë të vjetra metri katror. Kjo nuk është vlera reale.

Vlera reale është 1.200 euro”, deklaroi, në një prononcim për TV A1 Report, Spiro Demiraj, një nga pronarët e banesave që do të shemben. Sipas tij, sa ka caktuar qeveria, në fakt, është vlera aktuale e tokës që shitet në Paskuqan. Banorët kanë kërkuar ngritjen e një komisioni për vlerësimin real të tokës. Ne nuk jemi kundër zhvillimit të qytetit, por mbrojmë interesat tona, na cënohet banesa, që është e drejtë e shenjtë kushtetuese e secilit, theksojnë përfaq ësues të tyre.

Shkrimi u botua sot në gazetën Shqiptarja.com (print) 10.09.2013
 
Redaksia online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13