POP 5

Lajmet më të lexuara të 5 minutave të fundit

Kronikë

Banorët e Lezhës në protestë: S’marrim frymë nga fabrika, nuk rrimë dot në shtëpi (VIDEO)

Fabrika e përpunimit të mbetjeve shtazore në periferi të Lezhës ka krijuar shqetësim për banorët. Ata kanë protestuar duke kërkuar marrjen e masave, pasi sipas tyre është ndotur ajri dhe uji. Apeli shkon për ministrin Sandër Lleshaj dhe drejtuesit e pushtetit vendor.

Ky impiant i përpunimit të mbetjeve shtazore në periferi të Lezhës ka krijuar shqetësim për banorët. Janë rreth 2 mijë banorë të lagjes "ish-ushqimorja" që protestojnë për të disatën herë.

"Leja është marrë në kundërshtim me teknologjinë nuk përputhet leja me teknologjine që aplikon fabrika", tha një prej protestuesve. Ndërsa një tjetër shprehet "kërkojmë nga ministri Lleshaj masë masa", pasi një ditë pasi ka ikur ministri nga Lezha, kompania ka derdhur mbetjet ne lumin Drin.

Banorët shprehen se fabrika “Inca” nuk i respekton kushtet e lejes mjedisore. Gjatë protestës së sotme, ata deklaruan se janë ankuar në të gjitha instancat shtetërore por askush nuk i ka dëgjuar për ndotjen e ajrit dhe mjedisit.

"I kemi shkruar Kryeministrit në e-albania, kemi bërë peticion ministrit Çuçi që inauguroi këtë impiant për të sjelle bagëtitë e ngordhura, por nuk kemi marrë përgjigje", tha një tjetër banor.

Fabrika e përpunimit të mbetjeve shtazore u inaugurua në shkurt të këtij viti nga ministri i Bujqësisë Blendi Çuçi. Impianti ka kushtuar 1.5 milion euro dhe është ndërtuar me fondet e programit IPARD të Bashkimit Europian dhe me fondet e qeverisë shqiptare. Qëllimi është përpunimi i mbetjeve dhe kthimi i tyre në ushqim për blegtorinë.

1591198341_fabrikalezhe.jpg

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

24 Nëntor, 10:00